ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଦିନିକିଆ ଓଡିଶା ଗସ୍ତରେ ଆସିବେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା | ଭଦ୍ରକରେ କରିବେ ସମାବେଶ | କାନରେ ଦେବେ କର୍ଣ୍ଣ ମନ୍ତ୍ରଣା | ଶୋଇଥିବା ବିଜପିକୁ ପାଣି ଛିଞ୍ଚି ଉଠାଇବେ ଅମିତ ଶାହା | ସୂଚନା ଅନୁଯାୟୀ, ଆସନ୍ତା ୨୬ ତାରିଖରେ ଓଡିଶା ଆସିବେ ଅମିତ ଶାହା | ଭଦ୍ରକ ଲୋକସଭା ନିର୍ବାଚନ ମଣ୍ଡଳୀରେ ଦଳୀୟ ସମାବେଶରେ ଯୋଗ ଦେବେ | ତୃଣମୂଳ ସ୍ତରରେ ସଙ୍ଗଠନକୁ ମଜଭୁତ କରିବା ପାଇଁ ଏବଂ ୨୦୨୪ ନିର୍ବାଚନ ପାଇଁ ବିଜେପି ଦଳୀୟ କର୍ମୀଙ୍କୁ ଗୁରୁମନ୍ତ୍ର ଦେବେ ଅମିତ ଶାହା | ଏହାସହ କେନ୍ଦ୍ର ଗୃହମନ୍ତ୍ରୀ ଭଦ୍ରକର କେତେକ ଐତିହାସିକ ସ୍ଥଳ ପରିଦର୍ଶନ କରିବାର କାର୍ଯ୍ୟକ୍ରମ ମଧ୍ୟ ରହିଛି |
ସେପଟେ ୨୦୨୪ ନିର୍ବାଚନକୁ ନେଇ ରାଜନୈତିକ ଉଷ୍ମତା ବଢୁଛି | ଏହାକୁ ନେଇ ବିରୋଧୀ ଆଉ ଶାସକ ଦଳ ମଧ୍ୟରେ ଚାଲିଛି ତୁତୁ ମେମେ | ଏହାକୁ ଦୃଷ୍ଟିରେ ରଖି ଓଡିଶା ଆସୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା | ଅନ୍ୟପଟେ ପଶ୍ଚିମ ଓଡ଼ିଶାରେ ବିଜେପିର ସଙ୍ଗଠନ ସୁଦୃଢ଼ ଥିବାବେଳେ ଉପକୂଳ ଓଡ଼ିଶାରେ ସଙ୍ଗଠନକୁ ସୃଦୃଢ଼ କରିବା ପାଇଁ ବାରମ୍ବାର ଓଡିଶା ଗସ୍ତରେ ଆସୁଛନ୍ତି ଅମିତ ଶାହା |
ସୂଚନା ଅନୁଯାୟୀ, ୨୦୨୨ ଅଗଷ୍ଟ ୮ ତାରିଖରେ ଓଡିଶା ଆସିଥିଲେ କେନ୍ଦ୍ର ଗୃହମନ୍ତ୍ରୀ ଅମିତି ଶାହା | ଦୈନିକ ଖବର କାଗଜ ‘ପ୍ରଜାତନ୍ତ୍ର’ର ୭୫ ବର୍ଷ ପୂର୍ତ୍ତି ଅବସରରେ କଟକର ଇନ୍ଡୋର ଷ୍ଟାଡିୟମରେ ଯୋଗ ଦେଇଥିଲେ | ଏହା ସହ ଦଳୀୟ କର୍ମୀ ମାନଙ୍କୁ ସଙ୍ଗଠନକୁ ମଜଭୁତ କରିବା ପାଇଁ ଗୁରୁମନ୍ତ୍ର ଦେଇଥିଲେ |
ରିପୋର୍ଟ: ଦୀପା ପ୍ରଧାନ
