ସନଷ୍ଟାର ଟିଭି ବ୍ୟୁରୋ
ଲଣ୍ଡନ: ଇତିହାସ ରଚିଲେ ବ୍ରିଟିଶ ବ୍ୟବସାୟୀ ରିଚାର୍ଡ ବ୍ରାନ୍ସନ ଓ ତାଙ୍କ ଟିମ୍ । ଭର୍ଜିନ ଦୀର୍ଘ 1ଘଣ୍ଟା ମହାକାଶରେ ଭ୍ରମଣ କରିବା ପରେ ଭୂ-ପୃଷ୍ଠକୁ ସୁରକ୍ଷିତ ଭାବେ ଫେରିଆସିଛନ୍ତି ରିଚାର୍ଡ ବ୍ରାନ୍ସନ ଓ ତାଙ୍କ ଟିମ୍ । ସେ ଗାଲାକ୍ଟିକ ୟୁନିଟ୍-୨୨ ମହାକାଶଯାନରେ ମହାକାଶ ଯାତ୍ରା କରିଥିଲେ । ଲ୍ୟାଣ୍ଡିଂ ପରେ ସେ ତାଙ୍କର ଅନୁଭବକୁ ବର୍ଣ୍ଣନା କରିଛନ୍ତି।
ଭର୍ଜିନର ଏହି ରକେଟ ପ୍ଲେନ୍ ସହାୟତାରେ ରେ ସେ ନ୍ୟୁ ମେକ୍ସିକୋ ସ୍ପେଶ ପୋର୍ଟରୁ ରାତି ୮ଟା ୧୦ରେ ଉଡାଣ ଭରିଥିଲେ । ତାଙ୍କ ସହିତ ଅନ୍ୟ ୫ ଜଣ ମଧ୍ୟ ଏହି ଉଡାଣ କରିଥିଲେ । ସେମାନଙ୍କ ମଧ୍ୟରେ ଥିଲେ ଭାରତୀୟ ଯୁବତୀ ସିରିଶା ବନ୍ଦଲା ମଧ୍ୟ ଥିଲେ । କଳ୍ପନା ଚାୱାଲାଙ୍କ ପରେ ମହାକାଶଯାତ୍ରା କରିବାରେ ସିରିଶା ହେଉଛନ୍ତି ଦ୍ୱିତୀୟ ଭାରତୀୟ । ୩୪ ବର୍ଷୀୟ ସିରିଶା ଏରୋନଟିକାଲ ଇଞ୍ଜିନିୟର ଅଟନ୍ତି । ସେମାନେ ୮୮ କି.ମି. ପର୍ଯ୍ୟନ୍ତ ଅର୍ଥାତ ଜିରୋ ଗ୍ରାଭିଟି ଯାଏ ଯାତ୍ରା କରିଥିଲେ ।
ପ୍ରାୟ ୧ ଘଣ୍ଟାର ଯାତ୍ରା ପରେ ସେମାନେ ପ୍ରତ୍ୟାବର୍ତ୍ତନ କରିଥିଲେ। ତେବେ ଉଡାଣ ଭରିବା ପୂର୍ବରୁ ବ୍ରାନସନ କହିଥିଲେ ଯେ ସମସ୍ତଙ୍କ ପାଇଁ ମହାକାଶଯାତ୍ରା ଏକ ସ୍ୱପ୍ନ ଅଟେ ଏବଂ ସେହି ସ୍ୱପ୍ନକୁ ସଫଳ କରିବା ହେଉଛି ତାଙ୍କର ଉଦ୍ଦେଶ୍ୟ। ଆସନ୍ତା ବର୍ଷରୁ ସେ ବ୍ୟବସାୟିକ ମହାକାଶଯାତ୍ରା ଆରମ୍ଭ କରିବେ । ତେଣୁ ତା ପୂର୍ବରୁ ସେ ମହାକାଶ ଯାତ୍ରାର ଅନୁଭବ ସେ ନେବାକୁ ଚାହୁଁଥିଲେ ସେଥିଲାଗି ସେ ଏହି ଯାତ୍ରାରେ ଯୋଗ ଦେଇଥିଲେ ।
