ସନଷ୍ଟାର ଟିଭି ବ୍ୟୁରୋ
ଜାମ୍ମୁ କାଶ୍ମୀର: ଜାମ୍ମୁ କାଶ୍ମୀରରେ ସୁରକ୍ଷାବାହିନୀକୁ ମିଳିଛି ବଡ଼ ସଫଳତା । ଏନକାଉଣ୍ଟରେ 3 କୁଖ୍ୟାତ ଆତଙ୍କବାଦୀ ନିହତ । ସୂଚନା ଅନୁଯାୟୀ, ଗତ କାଲି ବିଳମ୍ବିତ ରାତିରେ ଜାମ୍ମୁ କାଶ୍ମୀରର ବରାମୁଲ୍ଲା ଜିଲ୍ଲାର ସୋପୋର ଅଞ୍ଚଳରେ ଆତଙ୍କବାଦୀମାନେ ଲୁଚି ରହିଥିବା ସୁରକ୍ଷାବାହିନୀକୁ ସୂଚନା ମିଲିଥିଲା । ଏହାପରେ ସୁରକ୍ଷାବାହିନୀଙ୍କ ଦ୍ବାରା ସର୍ଚ୍ଚ ଅପରେଶନ ଆରମ୍ଭ ହୋଇଥିଲା । ଏହି ସମୟରେ ଆତଙ୍କବାଦୀମାନେ ଗୁଳି ଚଳାଇଥିଲେ । ଏହାର ପାଲଟା ଜବାବ ଦେଇଥିଲେ ସୁରକ୍ଷାବାହିନୀ । ଏହି ଏନକାଉଣ୍ଟରରେ ଲସ୍କର-ଏ-ତଏବା ଆତଙ୍କବାଦୀ ସଂଗଠନର ମୋଷ୍ଟ ଓ୍ବାଣ୍ଟେଡ୍ ଆତଙ୍କବାଦୀ ମୁଦାସିର ପଣ୍ଡିତଙ୍କ ସମେତ ମୋଟ ୩ ଜଣ ନିହତ ହୋଇଛନ୍ତି । ଏବେବି ଆହୁରି କିଛି ଆତଙ୍କୀ ଲୁଚି ରହିଥିବା ଅନୁମାନ କରାଯାଉଛି। ଏଣୁ ସ୍ଥାନୀୟ ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି।
କୁଖ୍ୟାତ ଆତଙ୍କବାଦୀ ମୁଦାସିର ପଣ୍ଡିତ ନିକଟରେ ୩ ଜଣ ପୋଲିସ କର୍ମଚାରୀ, ୨ ଜଣ କାଉନସିଲର ଓ ୨ ଜଣ ସାଧାରଣ ନାଗରିକଙ୍କ ହତ୍ୟାକାଣ୍ଡରେ ସମ୍ପୃକ୍ତି ରହିଥିଲା ବୋଲି ସେଠାକାର ଆଇଜିପି ଟ୍ବିଟ୍ କରି ସୂଚନା ଦେଇଛନ୍ତି ।
