ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଓଡିଶାର ଆଞ୍ଚଳିକ ଦଳ ବିଜୁ ଜନତା ଦଳ ପାଳନ କରୁଛି ତାର ୨୪ ତମ ପ୍ରତିଷ୍ଠା ଦିବସ । ଏହି ଦିବସ ଅବସରରେ ବିଜେଡି ମୁଖ୍ୟ କାର୍ଯ୍ୟାଳୟରେ ଭିଡିଓ କନ୍ଫେରସିଙ୍ଗ ମାଧ୍ୟମରେ ଯୋଗ ଦେଇଛନ୍ତି ଦଳର ସୁପ୍ରିମୋ ନବୀନ ପଟ୍ଟନାୟକ । ଏହି ଦିବସ ଅବସରରେ ଲକ୍ଷ୍ୟ ଲକ୍ଷ୍ୟ ବିଜେଡି କର୍ମୀମାନଙ୍କୁ ଅଭିନନ୍ଦନ ଜଣାଇଛନ୍ତି । କଥା ନୁହେଁ କାମରେ ବିଜେଡି ବିଶ୍ଵାସ କରେ ବୋଲି କହିଛନ୍ତି ଦଳର ସୁପ୍ରିମୋ । ନିର୍ବାଚନ ଆସିଲେ ଜାତୀୟ ଦଳମାନେ ବଡ ବଡ କଥା କୁହନ୍ତି ବୋଲି କହିଛନ୍ତି ନବୀନ ପଟ୍ଟନାୟକ । ବିଜୁ ବାବୁଙ୍କ ଆର୍ଦଶରେ ଏହି ଦଳ ଚାଲିଛି ।ମହିଳା ସଶକ୍ତିକରଣ ହେଉଛି ନବୀନ ପଟ୍ଟନାୟକଙ୍କର ପ୍ରିୟ କାର୍ଯ୍ୟକ୍ରମ ।
ମା ଆଗେଇଲେ ଦେଶ ଆଗେଇବ । ମହିଳା ସଶକ୍ତ ହେଲେ ସମାଜ ସଶକ୍ତ ହେବ ବୋଲି କହିଛନ୍ତି ନବୀନ ପଟ୍ଟନାୟକ । ମହିଳାମାନେ ହେଉଛନ୍ତି ସମାଜ ଚକର ଅଖ । ମହିଳାମାନଙ୍କ ବିନା ପ୍ରଗତିର ରଥ ଆଗକୁ ଗଡି ପାରିବ ନାହିଁ । ବିଜୁ ପଟ୍ଟନାୟକ ୧୯୯୨ରେ ମହିଳାମାନଙ୍କ ପାଇଁ ସରକାରୀ ଚାକିରୀ କ୍ଷେତ୍ରରେ ୫୦% ସରଂକ୍ଷଣ ବ୍ୟବସ୍ଥା କରି ସାରା ଦେଶରେ ଇତିହାସ ସୃଷ୍ଠି କରିଥିଲେ ।
