ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଭୁବନେଶ୍ୱର ଚନ୍ଦକା ଅନ୍ତର୍ଗତ ଦାସପୁରରୁ ମହିଳାଙ୍କ ମୁଣ୍ଡବିହୀନ ମୃତଦେହ ମିଳିବା ଘଟଣାର ଖୋଳତାଡ କରୁଛି କମିଶନରେଟ ପୋଲିସ। ଗତ ଚାରି ଫେବ୍ରୁଆରୀରେ ଚନ୍ଦକାରୁ 30-35 ବୟସର ଜଣେ ମହିଳାଙ୍କ ମୁଣ୍ଡବିହୀନ ଶବ ମିଳିଛି । ଶବର ଡାହାଣ ହାତ କହୁଣୀ ତଳକୁ ଗୋଟିଏ ତ୍ରିଶୂଳ ଚିତା ଅଛି । ଏ ନେଇ କମିଶନରେଟ ପୋଲିସ ଟ୍ଵିଟ କରିଛି।
ଏହି ମହିଳାଙ୍କୁ ଚିହ୍ନଟ କରିବାରେ ସାହାଯ୍ୟ କରିବା ବ୍ୟକ୍ତିଙ୍କୁ ପଚାଶ ହଜାର ଟଙ୍କା ପୁରସ୍କାର ଦିଆଯିବା ସଙ୍ଗେ ସଙ୍ଗେ ପରିଚୟ ଗୋପନୀୟ ରଖାଯିବ ବୋଲି କମିଶନରେଟ ପୋଲିସ କହିଛି I
ଏଥିପାଇଁ ଯୋଗାଯୋଗ କରିବାକୁ ଦୁଇଟି ନମ୍ବର ଦିଆଯାଇଛି। 8280338323 (IIC) ,8280338296 (ACP) ନମ୍ବରରେ ଯୋଗାଯୋଗ କରିବା ନିମନ୍ତେ କମିଶନରେଟ ପୋଲିସ କହିଛି।
ସେପଟେ, ମହିଳାଙ୍କ ଚିହ୍ନଟ ପାଇଁ ପୋଲିସ ପକ୍ଷରୁ ପୋଷ୍ଟର ଜାରି କରାଯାଇଛି। କମିଶନରେଟ ପୋଲିସ ଉଭୟ ହିନ୍ଦୀ ଓ ଓଡ଼ିଆରେ ପୋଷ୍ଟର ଜାରି କରିଛି । ମହିଳାଙ୍କ ଉଚ୍ଚତା 5 ଫୁଟ 3 ଇଞ୍ଚ ଥିବା ଉଲ୍ଲେଖ ରହିଛି ।
