ସନ୍ଷ୍ଟାର ଟିଭି ବ୍ୟୁରୋ
ଲଦାଖ: ଆଜି ଦେଶ ପାଳନ କରୁଛି ୭୨ତମ ଗଣତନ୍ତ୍ର ଦିବସ ।ତେବେ ଏହି ଅବସରରେ ଭାରତୀୟ ଯବାନମାନେ ମଧ୍ୟ ସୀମାରେଖାରେ ପାଳନ କରିଛନ୍ତି ଗଣତନ୍ତ୍ର ଦିବସ । ଇଣ୍ଡୋ- ତିବେତାନ ବର୍ଡର ପୋଲିସ (ITBT) ଲଦାଖ ସୀମାରେଖାରେ ପାଳନ କରିଛନ୍ତି ସାଧାରଣତନ୍ତ୍ର ଦିବସ । ହାତରେ ଜାତୀୟ ପତାକା ଧରି ବରଫାବୃତ୍ତ ଅଂଚଳରେ ପରେଡ କରୁଥିବାର ଦେଖାଯାଉଛନ୍ତି ଭାରତୀୟ ସେନା ।
ତେବେ ଦେଶରକୁ ସୁରକ୍ଷିତ ରଖିବାରେ ସେନାମାନଙ୍କର ତ୍ୟାଗ ଅତୁଳନୀୟ । ଅନେକ ଥର ନିଜର ବୀରତ୍ଵ ଓ ପରାକ୍ରମ ବଳରେ ମାତୃଭୂମିକୁ ବଡ ବଡ ବିପଦରୁ ରକ୍ଷା କରିଛନ୍ତି ସୈନ୍ୟବାହିନୀ ।
ତେବେ ଓଡିଶାରେ ମଧ୍ୟ ୭୨ତମ ଗଣତନ୍ତ୍ର ଦିବସ ପାଳନ ହୋଇଛି ।ଭୁବନେଶ୍ବରରେ ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଳନ ଅବସରରେ ରାଜ୍ୟପାଳ ଗଣେଶୀ ଲାଲ୍ ପତାକା ଉତ୍ତୋଳନ କରିଛନ୍ତି ।ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ସମାରୋହରେ ସମ୍ମାନିତ ଅତିଥି ଭାବେ ଯୋଗ ଦେଇଛନ୍ତି ।
