ସନ୍ଷ୍ଟାର ଟିଭି ବ୍ୟୁରୋ
କୋଲ୍କାତା: ଆଜି ସୁଭାଷ ଚନ୍ଦ୍ର ଭୋଷଙ୍କ ୧୨୫ତମ ଜନ୍ମ ଜୟନ୍ତୀ ଅବସରରେ ଏହି ଦିବସକୁ ‘ପରାକ୍ରମ ଦିବସ’ ଭାବରେ ପାଳନ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି କୋଲ୍କାତା ଅଭିମୁଖେ ଯାତ୍ରା କରିବେ। ଏ ନେଇ ଟୁଇଟ୍ କରି ପ୍ରଧାନମନ୍ତ୍ରୀ ସୂଚନା ଦେଇଛନ୍ତି । ପଶ୍ଚିମବଙ୍ଗର ପ୍ରିୟ ଭାଇ ଓ ଭଉଣୀମାନେ, ‘ପରାକ୍ରମ ଦିବସ’ ଭଳି ଏକ ଶୁଭଦିନରେ ଆପଣଙ୍କ ଗହଣରେ ଉପସ୍ଥିତ ହେବାକୁ ମୁଁ ସମ୍ମାନର କଥା ବୋଲି ମନେକରୁଛି। କୋଲ୍କାତାରେ ଆୟୋଜନ ହେବାକୁ ଥିବା କାର୍ଯ୍ୟକ୍ରମରେ ଆମେ ସାହସୀ ନେତାଜୀ ସୁଭାଷ ଚନ୍ଦ୍ର ବୋଷଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିବା।
ତେବେ ପ୍ରଧାନମନ୍ତ୍ରୀ ଆଜି କୋଲ୍କାତା ଗସ୍ତ କରି ଏଲ୍ଗିନ୍ ରୋଡ୍ସ୍ଥିତ ନେତାଜୀ ଭବନକୁ ଯିବେ। ଏହା ପରେ ‘ଭିକ୍ଟୋରିଆ ମେମୋରିଆଲ୍’ରେ ‘ପରାକ୍ରମ ଦିବସ’ର ଉଦ୍ଘାଟନୀ ଉତ୍ସବରେ ମଧ୍ୟ ସେ ଉଦ୍ବୋଧନ ଦେବାର ସୂଚନା ମିଳିଛି । ପ୍ରଧାନମନ୍ତ୍ରୀ ମୋଦୀଙ୍କ କାର୍ଯ୍ୟାଳୟରୁ ପ୍ରକାଶିତ ଏକ ପ୍ରେସ୍ ରିଲିଜ୍ ଅନୁସାରେ, ଏହି ଅବସରରେ ନେତାଜୀଙ୍କ ଉପରେ ଏକ ସ୍ଥାୟୀ ପ୍ରଦର୍ଶନୀ ଏବଂ ‘ପ୍ରୋଜେକ୍ସନ୍ ମ୍ୟାପିଙ୍ଗ୍ ସୋ’ ଉଦ୍ଘାଟନ କରାଯିବ।
