ସନ୍ଷ୍ଟାର ଟିଭି ବ୍ୟୁରୋ
ଲଗାତାର ଭାବେ ଦିନକୁ ଦିନ ରାଜ୍ୟରେ ବଢ଼ିବାରେ ଲାଗିଛି ନକଲି ସାମଗ୍ରୀର ରଜୁତି । ଅସଲି ବ୍ରାଣ୍ଡରେ ନକଲି ଜିନିଷ ତିଆରି କରିବାର ଚେର କଟକଠାରୁ ଲମ୍ଵି ଭୁବନେଶ୍ୱର,ବ୍ରହ୍ମପୁରରେ ଯାଇ ପହଞ୍ଚି ସାରିଲାଣି । ବ୍ରହ୍ମପୁର ବଡ଼ ବଜାର ଥାନା ପୁଲିସ ପାଣ୍ଡବ ନଗରରେ ଥିବା ନକଲି ହଳଦି, ଲଙ୍କା ଗୁଣ୍ଡ ପ୍ରସ୍ତୁତ କାରଖାନା ଉପରେ ଚଢ଼ାଉ କରିଛି । ଚଢ଼ାଉ ସମୟରେ ପାଖାପାଖି ୬ଶହ କିଲୋ ଲଙ୍କାଗୁଣ୍ଡ ସହ ୬ଶହ କିଲୋ ହଳଦି ଗୁଣ୍ଡ ଏବଂ ୨ଟି ମେସିନ୍ ଜବତ କରିଛି ପୋଲିସ । ଘର ଭିତରେ ମେସିନ ରଖି ପ୍ୟାକିଂ କରାଯାଉଥିଲା। ତେବେ ଏହି ନକଲି ହଳଦି ପ୍ରସ୍ତୁତ କରୁଥିବା ଅଭିଯୋଗରେ ପୁଲିସ ଜଣଙ୍କୁ ଅଟକ ରଖିଛି ।
