ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ବର; ସରିଲା ଭୋଟ ଗଣତି । ଜଗତସିଂହପୁର ର ତିର୍ତ୍ତୋଲ ନିର୍ବାଚନ ମଣ୍ଡଳୀରେ ବିଜୟର ଶଙ୍ଖ ଫୁଙ୍କିଲେ ବିଜୟ ଶଙ୍କର । ବିପୁଳ ସଂଖ୍ୟାରେ ଭୋଟ ପାଇ ତିର୍ତ୍ତୋଲର ନୂତନ ବିଧାୟକ ହେଲେ ବିଜୟ । ଲୋକପ୍ରିୟ ବିଧାୟକ ବିଷ୍ଣୁ ଦାସଙ୍କ ମୁତ୍ୟୁ ପରେ ତାଙ୍କ ପୁତ୍ର ବିଜୟ ଶଙ୍କର ଦାସଙ୍କୁ ବିଜେଡି ସୁପ୍ରିମୋ ତଥା ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତିର୍ତ୍ତୋଲ ଉପନିର୍ବାଚନ ପ୍ରାର୍ଥୀ ପାଇଁ ଚୟନ କରିଥିଲେ । ସମସ୍ତ ଭୋଟ ଗଣତି ରାଉଣ୍ଡରେ ଆଗୁଆ ରହି ନିଜକୁ ବିଜୟ ପଥରେ ଅଗ୍ରସର କରାଇ ନେଇଥିଲେ ବିଜୟ । ପିତାଙ୍କ ମୃତ୍ୟୁ ପାଇଁ ଅନୁକମ୍ପା, ନିର୍ବାଚନ ବେଳେ କଡା ପ୍ରଚାର ଓ ନବୀନଙ୍କ ଲୋକପ୍ରିୟତା ତାଙ୍କୁ ବିଜୟ ଆଡକୁ ନେଇଯାଇଥିଲା । ବିଜୟ ଶଙ୍କର ୮୬,୪୮୭ ଭୋଟ ପାଇଥିଲା ବେଳେ ବିଜେପିର ରାଜକିଶୋର ବେହେରା ୪୬,୦୦୦ଓ କଂଗ୍ରେସ ୨୮,୩୨୯ ଖଣ୍ଡ ଭୋଟ ପାଇଛନ୍ତି । ସେ ବିପକ୍ଷ ଦଳଠାରୁ ୪୦,୪୮୭ହଜାର ଭୋଟରେ ଆଗୁଆ ରହି ବିଜୟ ହାସଲ କରିଛନ୍ତି ।
। ଆନୁଷ୍ଠାନିକ ଭାବେ ବିଜୟ ଶଙ୍କର ଚଳିତ ବର୍ଷ ବିଧାନସଭା ଶୀତ ଅଧିବେଶନର ପ୍ରଥମ ଦିନରେ ଶପଥ ଗ୍ରହଣ କରି ପାରନ୍ତି।
