ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଚଳଚ୍ଚିତ୍ର ପତ୍ରିକା ‘ବାଣୀଚିତ୍ର’ର ସଂପାଦକ ତଥା ବରିଷ୍ଠ ଚଳଚ୍ଚିତ୍ର ସାମ୍ବାଦିକ ପରୀକ୍ଷିତ ଜେନାଙ୍କ ବିୟୋଗରେ ଘଟଛି । ଏହି ବିୟୋଗରେ ମର୍ମାହତ ହୋଇ ଷ୍ଟାର୍ ଫିଲ୍ମ ଆୱାର୍ଡ଼ ଆୟୋଜକମାନଙ୍କ ତରଫରୁ ଏକ ଶୋକସଭା ଆୟୋଜନ କରାଯାଇଥିଲା । ତେବେ ଚେୟାରମ୍ୟାନ ପ୍ରଯୋଜକ ରମେଶ ବାରିକଙ୍କ ଅଫିସରେ ଅପରାହ୍ନ ୨ଟା ସମୟରେ ଏହି ସଭା ଅନୁଷ୍ଠିତ ହୋଇଥିଲା । ଏଥିରେ ପ୍ରଯୋଜକ ରବିନ୍ଦ୍ର ପଣ୍ଡା, ଲୋକନାଥ ଦାସ, ଶ୍ରୀଧର ମାର୍ଥା, ଅତିଶ ରାଉତ, ଲୁଟୁ ମହାନ୍ତି ପ୍ରମୁଖ ଉପସ୍ଥିତ ରହି ପରୀକ୍ଷିତ ଭାଇଙ୍କୁ ଫଟୋରେ ପୁଷ୍ପମାଲ୍ୟ ଅର୍ପଣ କରିବା ସହ ପରୀକ୍ଷିତ ଜେନାଙ୍କ କଥାକୁ ମନେ ପକାଇଥିଲେ ।
ଚେୟାରମ୍ୟାନ ରମେଶ ବାରିକ ମଧ୍ୟ ଏହି ଅବସରରେ କହିଥିଲେ ଯେ ପରୀକ୍ଷିତ ଭାଇଙ୍କୁ ହରାଇ ଓଡିଆ ସିନେମା ଇଣ୍ଡଷ୍ଟ୍ରୀର ବଡ଼ କ୍ଷତି ହୋଇଛି, ଏପରି ବ୍ୟକ୍ତି ଆଉ ମିଳିବା ଅସମ୍ଭବ । ନିଜର ଜଣେ ବଡ ଭାଇ ଚାଲିଗଲେ ବୋଲି କହିଥିଲେ ଶ୍ରୀଧର ମାର୍ଥା ।ପ୍ରଯୋଜକ ରବୀନ୍ଦ୍ରନାଥ ପଣ୍ଡା ଗଭୀର ଶୋକ ପ୍ରକାଶ କରିବା ଷ୍ଟାର୍ ଫିଲ୍ମ ଆୱାର୍ଡରେ ତାଙ୍କ ସହଯୋଗ କଥାକୁ ମନେପକାଇଥିଲେ।
