ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଆଜି ବିଜେପିରେ ଯୋଗ ଦେଇଛନ୍ତି ବାଲେଶ୍ୱରର ପୂର୍ବତନ ବିଧାୟକ ଜୀବନ ପ୍ରଦୀପ ଦାସ । କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀଙ୍କ ଉପସ୍ଥିତିରେ ବିଜେପିରେ ସାମିଲ ହୋଇଛନ୍ତି ଜୀବନ ପ୍ରଦୀପ ଦାସ ।
ବାଲେଶ୍ୱର ଉପନିର୍ବାଚନ ସମୟରେ ବିଜେଡିରୁ ଟିକେଟ୍ ନ ପାଇବାରୁ ଦଳ ଉପରେ ଅସନ୍ତୋଷ ପ୍ରକାଶ କରିଥିଲେ ଜୀବନ ପ୍ରଦୀପ । ଏହାପରେ ତାଙ୍କୁ ଦଳ ବିରୋଧୀ କାର୍ଯ୍ୟ ପାଇଁ ବିଜେଡି ବହିଷ୍କାର କରିଥିଲା । ତେବେ ସେ କେଉଁ ଦଳରେ ସାମିଲ ହେବେ ଏବଂ ତାଙ୍କର ଆଗାମୀ ରାଜନୈତିକ ପଦକ୍ଷେପ କଣ ହେବ ସେ ନେଇ ଚର୍ଚ୍ଚା ଲାଗି ରହିଥିଲା । ହେଲେ ଆଜି ବିଜେପିରେ ସାମିଲ ହୋଇ ଏସବୁ ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି ଜୀବନ ପ୍ରଦୀପ ।
ସୂଚନାଯୋଗ୍ୟ, ପୂର୍ବରୁ ବିଜେପି ଦଳରୁ ଆସି ବିଜେଡିରେ ଯୋଗ ଦେଇଥିଲେ ଜୀବନ ପ୍ରଦୀପ । ତେବେ ପୁଣିଥରେ ସେ ବିଜେପିକୁ ଫେରିଛନ୍ତି । ଆଜି ବିଜେପିକୁ ଫେରିବା ପରେ ଜୀବନ କହିଛନ୍ତି, ତାଙ୍କର ଘର ବାହୁଡ଼ା ହୋଇଛି। ଘରକୁ ଫେରିଥିବାରୁ ସେ ବହୁତ ଖୁସି ଅଛନ୍ତି । କୌଣସି ସର୍ତ୍ତ ନରଖି ଦଳକୁ ଫେରିଥିବା କହିଛନ୍ତି ଜୀବନ ପ୍ରଦୀପ ଦାସ ।
