ସନ୍ଷ୍ଟାର ଟିଭି ବ୍ୟୁରୋ
ସାଧାରଣତଃ ଆମେ ବାହାରୁ ଘରକୁ ଆସିବା ମାତ୍ରେ ପ୍ରଥମେ ଫ୍ରିଜ ଖୋଲି ଖାଦ୍ୟ ଖୋଜିଥାଉ। ଅଥବା ଥଣ୍ଡା ପାଣିକୁ ବାହାର କରି ପିଇଥାଉ। ସେଭଳି ଜୋର୍ଡାନର ଜଣେ ବ୍ୟକ୍ତି ଲୋକଙ୍କୁ ସାହାଯ୍ୟ କରିବା ପାଇଁ ଏକ ନିଆରା ପ୍ରୟାସ ଆରମ୍ଭ କରିଛନ୍ତି। ହଙ୍ଗକଙ୍ଗର ଜୋର୍ଡାନର ୱୋମାନସାଙ୍ଗ ଛକରେ ଜଣେ ବ୍ୟକ୍ତି ଏକ ନୀଳ ରେଫ୍ରିଜରେଟର ରଖିଛନ୍ତି, ଯେଉଁଠାରେ ଅନ୍ୟମାନଙ୍କୁ ସାହାଯ୍ୟ କରିବା ସହ ଖାଦ୍ୟ ପାନୀୟ ଦେଇପାରିବେ। ଫ୍ରିଜ୍ରେ ରନ୍ଧା ନୁଡୁଲ୍ସ, ବିସ୍କୁଟ, ଖାଦ୍ୟ ପ୍ୟାକେଟ ଏବଂ ପ୍ୟାକେଟରେ ତଉଲିଆ, ମୌଜା ମଧ୍ୟ ରହିଛି। ଲୋକଙ୍କୁ ସାହାଯ୍ୟ କରିବା ପାଇଁ ଲୋକେ ମଧ୍ୟ ଏଥିରେ ଜିନିଷ ରଖିଥାଆନ୍ତି।
ବ୍ୟକ୍ତି ଜଣଙ୍କ ଚଳଚ୍ଚିତ୍ରରେ ଦେଖି ଏଭଳି କରିଛନ୍ତି ବୋଲି କହିଛନ୍ତି। ଏହାସହ ଲୋକେ ଘରେ ଯେପରି ଫ୍ରିଜ୍ ଖୋଲି ଖାଦ୍ୟ ପାଇ ପାରନ୍ତି, ସେଭଳି ଲୋକେ ବାହାରେ ରାସ୍ତାରେ ଯାଉଥିବା ସମୟରେ ଆବଶ୍ୟକ ସମୟରେ ଏହି ସୁବିଧା ପାଇ ପାରନ୍ତୁ ବୋଲି ତାଙ୍କ ଇଚ୍ଛା।
ଅଧିକାଂଶ ଲୋକେ ଏହି ନୀଳ ରଙ୍ଗର ଫ୍ରିଜ୍ ବିଷୟରେ ଜାଣିସାରିଲେଣି। ସୋସିଆଲ ମିଡିଆରେ ମଧ୍ୟ ଏହା ଖୁବ ଭାଇରାଲ ହେଉଛି। ଲୋକଙ୍କୁ ସାହାଯ୍ୟ କରିବାର ଏହା ଏକ ଉତ୍ତମ ମାଧ୍ୟମ ବୋଲି ଉକ୍ତ ବ୍ୟକ୍ତି କହିଛନ୍ତି।
