ସନ୍ଷ୍ଟାର ଟିଭି ବ୍ୟୁରୋ
ଖଲ୍ଲିକୋଟ: ଗାଈ ପାଟିରେ ଫୁଟିଲା ବୋମା । ଗଞ୍ଜାମ ଜିଲ୍ଲା ଖଲ୍ଲିକୋଟ ଥାନା ଅନ୍ତର୍ଗତ କେନ୍ଦୁପାଟ ଗାଁରେ ଘଟିଛି ଏପରି ଏକ ଅଭାବନୀୟ ଘଟଣା । ବିଲରେ ଚରୁଥିବା ବେଳେ ବୋମାଟିକୁ ଗାଈ ଚୋବାଇ ଦେବା ଫଳରେ ଗାଈର ପାଟି ଭିତରେ ବୋମାଟି ଫୁଟି ଯାଇଥିଲା । ଯାହା ଫଳରେ ଗାଈଟି ଗୁରୁତର ହୋଇପଡ଼ିଥିବା ସୂଚନା ମିଳିଛି ।
ଏହି ଘଟଣାକୁ ନେଇ ଗାଈର ମାଲିକ ଜଣେ ବ୍ୟକ୍ତିଙ୍କ ବିରୋଧରେ ଖଲ୍ଲିକୋଟ ଥାନାରେ ଅଭିଯୋଗ କରିଛନ୍ତି । ଏତଲା ପାଇ ଥାନା ଅଧିକାରୀଙ୍କ ନେତୃତ୍ୱରେ ପୋଲିସ୍ ଟିମ୍ କେନ୍ଦୁପାଟ ଗାଁକୁ ଯାଇ ତଦନ୍ତ ଆରମ୍ଭ କରିଛନ୍ତି । ତଦନ୍ତ ପରେ ଅଭିଯୁକ୍ତ ବିରୋଧ ରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି।
