ମହାରାଷ୍ଟ୍ରରେ ଟ୍ରେନ ଦୁର୍ଘଟଣା, ଯାତ୍ରୀଙ୍କ ଉପରେ ଚଢିଗଲା ଟ୍ରେନ

ମହାରାଷ୍ଟ୍ର ଜଳଗାଁଓରେ ବଡଧରଣର ଟ୍ରେନ୍ ଦୁର୍ଘଟଣା। ସେଠାରେ ପୁଷ୍ପକ ଏକ୍ସପ୍ରେସରେ ନିଆଁ ଲାଗିବା ନେଇ ହଇଚଇ ସୃଷ୍ଟି ହୋଇଛି। ଅନେକ ଯାତ୍ରୀ ଟ୍ରେନରେ ଥିବାବେଳେ ନିଆଁ ଲାଗିବା କଥା ଶୁଣି ଯାତ୍ରୀଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଭୟରେ ଟ୍ରେନରୁ ତଳକୁ ଡେଇଁ ପଡିଥିଲେ ଯାତ୍ରୀ। ସେପଟେ ଅନ୍ୟ ଏକ ଟ୍ରାକରେ ଆସୁଥିବା ଟ୍ରେନ୍ ଯାତ୍ରୀଙ୍କ ଉପରେ ମାଡିଯାଇଛି । ଯେଉଁ ଯାତ୍ରୀମାନେ ଭୟରେ ଟ୍ରେନରୁ ଟ୍ରାକ୍ ଉପରକୁ ଡେଇଁପଡିଥିଲେ, ସେମାନଙ୍କ ଉପରେ ଅନ୍ୟ ଟ୍ରାକରେ ଆସୁଥିବା ଟ୍ରେନଟି ଚଢି ଯାଇଛି।  ତେବେ ବର୍ତ୍ତମାନ ସୁଦ୍ଧା ୫ଜଣ ଯାତ୍ରୀଙ୍କ ମୃତ୍ୟୁ ହୋଇଛି। କର୍ଣ୍ଣାଟକ ଏକ୍ସପ୍ରେସ୍ ଯାତ୍ରୀଙ୍କୁ ଚାପି ଦେଇଥିବା ଜଣାପଡିଛି ।