ନୂଆପଡ଼ା ଜିଲ୍ଲା ଖଡିଆଳ ରାଜା ଆର୍ତ୍ତତ୍ରାଣ ହାଇସ୍କୁଲ ପଡିଆ ଠାରେ ଚାଲିଥିବା ୨୧ତମ କେ ସି ଏସ ଏ କ୍ରିକେଟ ଟୁର୍ଣ୍ଣାମେଣ୍ଟ ଆଜି ଉଦଯାପିତ ହୋଇଯାଇଅଛି। ଫାଇନାଲ ମ୍ୟାଚ ବଲାଙ୍ଗୀର ଓ ଖଡ଼ିଆଳ ଦଳ ମଧ୍ୟରେ ହୋଇଥିବା ବେଳେ ବଲାଙ୍ଗୀର ଦଳ ଚମ୍ପିୟାନ ହୋଇଥିଲା । ବଲାଙ୍ଗୀର ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୨୦ ଓଭର ରେ ୧୭୩ ରନ କରିଥିଲା । ଜବାବରେ ଖଡିଆଳ କେସିଏସଏ ୧୮ ଓଭର ରେ ସମସ୍ତ ଉଇକେଟ ହରାଇ ମାତ୍ର ୧୩୯ ରନ କରି ପାରିଥିଲା। ଆଜି ବଲାଙ୍ଗୀର ଦଳ ୩୪ ରନ ରେ ବିଜୟ ହାସଲ କରି ୨୧ତମ କେ ସି ଏସ ଏ କ୍ରିକେଟ ଟୁର୍ଣ୍ଣାମେଣ୍ଟ ର ଚମ୍ପିୟାନ ହାସଲ କରିଛନ୍ତି। ଉଦଯାପନୀ ଦିବସରେ ମୁଖ୍ୟ ଅତିଥି ରୂପେ ବିଧାୟକ ଅଧୀରାଜ ପାଣିଗ୍ରାହୀ ଓ ସମ୍ମାନିତ ଅତିଥି ଭାବରେ ଖଡିଆଳ ନଗର ଅଧ୍ୟକ୍ଷା ଉଜ୍ଜଳ ଗୁପ୍ତା, ବ୍ଲକ ଅଧ୍ୟକ୍ଷା ପୁଷ୍ପାଞ୍ଜଳୀ ନନ୍ଦ ଯୋଗ ଦେଇ ଚମ୍ପିୟାନ ଦଳ କୁ ୫୧ ହଜାର ନଗଦ ରାଶି ସହ ଟ୍ରଫି ଓ ରନର୍ସ ଅପ ଦଳକୁ ୩୧ ହଜାର ନଗଦ ରାଶି ସହ ଟ୍ରଫି ପ୍ରଦାନ କରିଛନ୍ତି। ଉଦଯାପନୀ ଉତ୍ସବ ରେ କେସିଏସଏ ଉପସଭାପତି ବିଶ୍ୱଜିତ୍ ପାଢୀ ମଞ୍ଚ ପରିଚାଳନା କରିଥିବା ବେଳେ ସମ୍ପାଦକ ସନ୍ତୋଷ କୁମାର ପଟ୍ଟନାୟକ ଧନ୍ୟବାଦ ଦେଇଥିଲେ। ସଭା ରେ ଦୁଇ ବରିଷ୍ଠ ଖେଳାଳି ସତ୍ୟ ତାଣ୍ଡି ଏବଂ ବିକ୍ରମ କେଶରୀ ପଟ୍ଟନାୟକ ଙ୍କୁ ସମ୍ବର୍ଦ୍ଧିତକରାଯାଇଥିଲା।
