ଧାମରାରେ ମାଛଧରା ବୋଟରୁ ଖସି ଧୀବର ନିଖୋଜ

ଭଦ୍ରକ ଜିଲ୍ଲା ଧାମରା ଠାରେ ଏକ ମାଛଧରା ବୋଟରୁ ଖସି ଜଣେ ଧୀବର ନିଖୋଜ। ମିଳିଥିବା ସୂଚନା ଅନୁଯାଇ ବାଲେଶ୍ୱର କଷାଫଳ ଅଂଚଳର ବିକାଶ ଦାସଙ୍କ ବୋଟ ଦାରୁବ୍ରହ୍ମ ନାମକ ବୋଟଟି ଧାମରା ଅଞ୍ଚଳରେ ମାଛମାରୀ କାଲାମ ଦ୍ବୀପ ନିକଟରେ ଲଙ୍ଗର କରି ରହିଥିଲା। ଏହି ବୋଟରେ କାର୍ଯ୍ୟରତ ଧୀବର କୈଳାଶ ଦାସ ରାତିରେ ଶୌଚ ହେବା ପାଇଁ ଉଠିଥିଲା ମାତ୍ର ସମ୍ପୃକ୍ତ ବ୍ୟକ୍ତି ଜଣକ ବୋଟରୁ ଖସି ପଡ଼ିଥିଲେ। ବୋଟର ଅନ୍ୟ ଷ୍ଟାଫ ସମ୍ପୃକ୍ତ ବ୍ୟକ୍ତିକୁ ଖୋଜି ପାଇ ନଥିଲେ, ପରେ ସେମାନେ ଧାମରା ଥାନା ଏବଂ ସାମୁଦ୍ରିକ ଥାନାକୁ ଖବର ଦେଇଥିଲେ। ଧାମରାରୁ ନାଭାଲ ବୋଟ ଯାଇ ସମୁଦ୍ରରେ ଖୋଜା ଖୋଜି କରିଥିଲେ ମଧ୍ୟ ଏଯାବତ ସମ୍ପୃକ୍ତ ବ୍ୟକ୍ତିଙ୍କୁ ଜୀବନ୍ତ ଅଥବା ତାହାର ମୃତ ଶରୀରକୁ ଖୋଜି ପାଇ ନଥିଲେ, ଏପର୍ଯ୍ୟନ୍ତ ଧାମରା ଥାନା କିମ୍ବା ସାମୁଦ୍ରିକ ଥାନାରେ ଲିଖିତ ଅଭିଯୋଗ ହୋଇନାହିଁ ବୋଲି ଥାନାଧିକାରୀ କହିଛନ୍ତି।