ଦାନାର ପ୍ରଭାବରେ ଉପୁଡ଼ିଗଲା ଏକ ବିଶାଳ ସୁନାରୀ ଗଛ

ବାଲିତୁଠ ୨୫/୧୦ ବାତ୍ୟା ଦାନା ର ପ୍ରଭାବରେ ଏରସମାର ବିଭିନ୍ନ ଅଞ୍ଚଳରେ କ୍ଷୟକ୍ଷତି ହୋଇଥିବା ବେଳେ ଢ଼ିଙ୍କିଆ ପଞ୍ଚାୟତ ତ୍ରିଲୋଚନପୁର ରେ ଏକ ବିଶାଳ ସୁନାରୀ ଗଛ ଉପୁଡି ପଡି ବିଦୂତ ସରବରାହ ବନ୍ଦ ରହିଥିଲା ।ଖବର ଅନୁସାରେ ଗତ ଚବିଶ ତାରିଖରେ ବାତ୍ୟା ର ପ୍ରକୋପରେ ତ୍ରିଲୋଚନ ପୁର ବିଜୟ ପାତ୍ର ଙ୍କର ଏକ ବିଶାଳ ସୁନାରୀ ଗଛ ପଡୋଶୀ ଦୈତାରି ଦାସ ଙ୍କ କୋଠା ଘର ଉପରେ ଉପୁଡି ପଡିଥିଲା । ଫଳରେ ବିଦୂତ ତାର ଉପରେ ରହି ଯାଇଥିଲା । ଯାତାୟତ ଉକ୍ତ ରୋଡ଼ ରେ ବ୍ୟାହତ ହେବା ସହିତ ବିଦୂତ ସରବରାହ ଶନିବାର ସକାଳୁ ଗଛ କଟା ହେବା ପର୍ଯ୍ୟନ୍ତ ବନ୍ଦ ରହିଥିଲା ।ଏ ସମ୍ପର୍କରେ ସ୍ଥାନୀୟ ଅଧିବାସୀ ମାନେ ଏରସମା ଅଗ୍ନିଶମ ବାହିନୀ ଙ୍କ ଦୃଷ୍ଟି ଆକର୍ଷଣ ପରେ ତୁରନ୍ତ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ଗଛ କୁ କାଟିବା ସହିତ ରାସ୍ତା କ୍ଲିଅର କରିଥିଲା ।ପରେ ସନ୍ଧ୍ୟା ରେ ଉକ୍ତ ତ୍ରିଲୋଚନପୁର ଗ୍ରାମରେ ଯାତାୟତ ସ୍ୱାଭାବିକ ହେବା ସହିତ ବିଦୂତ ଦିଆଯାଇଥିବା ଜଣାପଡିଛି ।