SunStarTV
ମହାରାଷ୍ଟ୍ର ବିଧାନସଭା ନିର୍ବାଚନ ପୂର୍ବରୁ ମହାରାଷ୍ଟ୍ରରେ କଂଗ୍ରେସରେ ହଲଚଲ । ବାବା ସିଦ୍ଦିକିଙ୍କ ପୁଅ ତଥା ବାନ୍ଦ୍ରା ପୂର୍ବ ବିଧାୟକ ଜିଶାନ ସିଦ୍ଦିକି କଂଗ୍ରେସ ଛାଡିଛନ୍ତି। ସେ ଅଜିତ ପାୱାରଙ୍କ ଏନସିପିରେ ଯୋଗ ଦେଇଛନ୍ତି । ଅଜିତ ପାୱାରଙ୍କ ଉପସ୍ଥିତିରେ ଜିଶାନ ଏନସିପିରେ ଯୋଗ ଦେଇଥିଲେ। ଏନସିପି ଦଳରେ ଯୋଗଦେବା ମାତ୍ରେ ଦଳ ତାଙ୍କୁ ଟିକେଟ ଦେବାକୁ ଘୋଷଣା କରିଛି । ଏଥର ମଧ୍ୟ ସେ ତାଙ୍କ ପୁରୁଣା ବିଧାନସଭା ନିର୍ବାଚନମଣ୍ଡଳୀ ବାନ୍ଦ୍ରା ଇଷ୍ଟରୁ ନିର୍ବାଚନ ଲଢ଼ିବେ ।
ବାନ୍ଦ୍ରା ପୂର୍ବ ବିଧାୟକ ଜିଶାନ ସିଦ୍ଦିକିଙ୍କ ସହ ଦଳରେ ଆଉ ଚାରିଜଣ ନେତା ଯୋଗ ଦେଇଛନ୍ତି। ଏହି ନେତାଙ୍କ ମଧ୍ୟରେ ତସଗାଓଁ କଭଠେରୁ ସଞ୍ଜୟ କାକା ପାଟିଲ, ୱାରୁଡ଼ ମୁର୍ସିରୁ ଦେବେନ୍ଦ୍ର ଭୁୟାର, ଇସଲାମପୁରର ନିଶିକାନ୍ତ ପାଟିଲ ଏବଂ ପୂର୍ବତନ ବିଜେପି ସାଂସଦ ତଥା ଲୋହା କାନ୍ଦାହାରର ପ୍ରତାପ ଚିଖଲିକର ଅଛନ୍ତି।
କଂଗ୍ରେସଛାଡିବା ପରେ ଜିଶାନ କହିଛନ୍ତି ଯେ ସେ ଶୁଣିଛନ୍ତି ଯେ ପୁରୁଣା ବନ୍ଧୁମାନେ ବାନ୍ଦ୍ରା ପୂର୍ବରେ ନିଜର ପ୍ରାର୍ଥୀ ଘୋଷଣା କରିଛନ୍ତି। ସେମାନଙ୍କ ସହ ମିଶିବା କଦାପି ସେମାନଙ୍କ ସ୍ୱଭାବରେ ନଥିଲା । ବର୍ତ୍ତମାନ ଜନସାଧାରଣ ହିଁ ଏହାର ନିଷ୍ପତ୍ତି ନେବେ!
ଅଜିତ ଏନସିପିରେ ଯୋଗଦେବା ପରେ ଜିଶାନ କହିଛନ୍ତି ଯେ ମହାବିକାଶ ଆଗାଡି ଏହାର ଟିକେଟ୍ ଘୋଷଣା କରିଛନ୍ତି କିନ୍ତୁ ନିଜର ସିଟିଙ୍ଗ ସିଟ ଶିବସେନା (ୟୁବିଟି) କୁ ଦେଇଛନ୍ତି, ଏହା ଅତ୍ୟନ୍ତ ଦୁର୍ଭାଗ୍ୟଜନକ। ଗତ କିଛି ଦିନ ହେବ କଂଗ୍ରେସର କିଛି ନେତା ଏବଂ ମହାବିକାଶ ଆଗାଡି ମୋ ସହ ଯୋଗାଯୋଗରେ ଥିଲେ। କେହି କେହି କହୁଥିଲେ ଯେ ସେମାନେ ଏହାକୁ ବିନା ଦ୍ୱିଧାରେ କରିବେ, କେହି କେହି କହୁଛନ୍ତି ତୁମେ ଅପେକ୍ଷା କରିବା ଉଚିତ କିନ୍ତୁ ପ୍ରତାରଣା କରିବା ସେମାନଙ୍କ (କଂଗ୍ରେସ) ପ୍ରକୃତି।
ଉଲ୍ଲେଖ ଥାଉ କି କିଛିଦିନ ତଳେ ଏନ୍ସିପି ନେତା ବାବା ସିଦ୍ଦିକି(୬୬)ଙ୍କୁ ତାଙ୍କ ପୁଅ ଜିଶାନ ସିଦ୍ଦିକିଙ୍କ କାର୍ଯ୍ୟାଳୟ ନିକଟରେ ହତ୍ୟା କରାଯାଇଥିଲା । ବାନ୍ଦ୍ରା ଇଷ୍ଟ୍ର ନିର୍ମଳ ନଗର ଅଞ୍ଚଳରେ ଗ୍ୟାଙ୍ଗଷ୍ଟାର ଲରେନ୍ସ ବିଷ୍ଣୋଇ ଗ୍ୟାଙ୍ଗର ସୁଟରମାନେ ତାଙ୍କୁ ହତ୍ୟା କରିଥିଲେ ।
