ପୁଷ୍ପା-୨ର ସୁଟିଂ ହେଲା ଯାଜପୁରରେ

ବହୁ ପ୍ରତିକ୍ଷିତ ତେଲୁଗୁ ଫିଲ୍ମ ପୃଷ୍ଠା-୨ ଏକ ଦୃଶ୍ୟର ସୁଟିଂ ଓଡ଼ିଶାର ଯାଜପୁର ଜିଲ୍ଲାରେ ହୋଇଛି | ଷୋମବାର ଜିଲ୍ଲାର କାଳିଆପାଣି ଥାନା ଓଏମସି କଲରଙ୍ଗୀ ଟ୍ରକ ପାର୍କିଙ୍ଗ ୟାର୍ଡ଼ରେ ନିକଟରେ ମେତ୍ରୀ ମୁଭି ମେକର୍ସ ପକ୍ଷରୁ ବହୁ ଚର୍ଚ୍ଚିତ ପୁଷ୍ପା-୨ ଫିଲ୍ମ ପାଇଁ ପ୍ରାରମ୍ଭିକ ପରିସ୍ଥିତିରେ ସୁଟିଂ କରାଯାଇଛି | ପ୍ରଯୋଜନା ସଂସ୍ଥାର ପ୍ରବନ୍ଧକ ଜିଭାରା ପ୍ରସାଦଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ ଏଠାରେ ସକାଳୁ ସକାଳୁ ପହଞ୍ଚି ପ୍ରାୟ ଘଣ୍ଟାଏ ପର୍ଯ୍ୟନ୍ତ ସୁଟିଙ୍ଗ କରିଥିଲେ |
ଏଠାରେ ଥିବା ମାଳମାଳ ଟ୍ରକ ମଧ୍ୟରେ ପ୍ରାକୃତିକ ଦୃଶ୍ୟ ଭିତରେ ଜଣେ ଖଳନାୟକଙ୍କୁ ନେଇ ଗୋଟିଏ ଦୃଶ୍ୟର ସୁଟିଂ ହୋଇଥିଲା | ତେବେ ଏହି ସ୍ଥାନ ଓ ଦୃଶ୍ୟର ସେଟଅପ ନିର୍ଦେଶକ ଓ ପ୍ରଯୋଜକନ୍କ ଦ୍ୱାରା ଗ୍ରହଣୀୟ ହେଲେ ପରବର୍ତ୍ତୀ ସମୟରେ ଏଠାରେ ପୁଣି ସୁଟିଂ କରାଯିବ ବୋଲି ପ୍ରଯୋଜନା ସଂସ୍ଥାର ସ୍ଥାନୀୟ ପ୍ରତିନିଧିଙ୍କଠାରୁ ସୂଚନା ମିଳିଛି | ତେବେ ସୁଟିଂ ସେଟରେ ନିୟୋଜିତ ସୁରକ୍ଷା ଟିମ ପକ୍ଷରୁ କୌଣସି ଫଟୋ କିମ୍ବା ଭିଡ଼ିଓ ଉତ୍ତୋଳନକୁ ବାରଣ କରାଯାଇଥିଲା |