ଚାନ୍ଦବାଲି ଏନଏସି ଅନ୍ତର୍ଗତ ପାଞ୍ଚପଡ଼ା ଗ୍ରାମରେ 18 ମାସର ଶିଶୁ କନ୍ୟା ର ମାଆ ଙ୍କୁ ହତ୍ୟା, ସମସ୍ତ ଅଭିଯୁକ୍ତଙ୍କୁ ଗିରଫ୍ ଦାବି କଲେ ମୃତା ମହିଳାଙ୍କ ବାପଘର ଲୋକେ । ଉକ୍ତ ହତ୍ଯା ଘଟଣାରେ ପୋଲିସ କେବଳ ମହିଳାଙ୍କ ସ୍ଵାମୀକୁ ଗିରଫ୍ କରିଛି ମାତ୍ର ଶାଶୁ, ଶ୍ଵଶୁର, ଦିଅର ଓ ନଣନ୍ଦ ସଂପୃକ୍ତି ଥିବାନେଇ ଅଭିଯୋଗ ହୋଇଛି । ସମସ୍ତ ଅଭିଯୁକ୍ତମାନଙ୍କୁ ଗିରଫ୍ କରାନଗଲେ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ନିକଟରେ ଫେରାଦ୍ ହେବେ ବୋଲି ବାପଘର ପକ୍ଷରୁ ଚେତାବନି ଦିଆ ଯାଇଛି। ସୂଚନା ମୁତାବକ, ଭଦ୍ରକ ଜିଲ୍ଲା ଚାନ୍ଦବାଲି ଥାନା ଭାଟପଡ଼ା ପଂଚାୟତ ସେରପୁର ଗାଁର ଶରତ ନାୟକ ଙ୍କ ଝିଅ କ୍ଷୀରବ୍ଧି ତନୟା ନାୟକ ତିନି ବର୍ଷ ତଳେ ଚାନ୍ଦବାଲି ଥାନା ପାଞ୍ଚପଡା ସୁରେଶ ସାହୁ ଙ୍କ ପୁଅ ରତି ରଞ୍ଜନ ସାହୁ ଙ୍କ ସହିତ ବୈଦିକ ରୀତିନୀତିରେ ବିବାହ ହୋଇଥିଲା । ବିବାହ ସମୟରେ ବରପକ୍ଷଙ୍କ ଦାବି ମୁତାବକ ସମସ୍ତ ଜାନି ଯୌତୁକ ପ୍ରଦାନ କରା ଯାଇଥିଲା । ବିବାହ ପରେ ଅଧିକ ଯୌତୁକ ଦାବିକରି ଶ୍ଵଶୁର ଘର ଲୋକେ ନାନାଦି ମାନସିକ ଓ ଶାରିରୀକ ନିର୍ଯ୍ୟାତନା ଦେଇ ଆସୁଥିଲେ । 18ମାସର ଏକ ଝିଅ ମଧ୍ୟ ଅଛି। ବାହାଘର ର କିଛି ଦିନ ପରେ ଅଧିକ ଯାନୀ ଯୌତୁକ ଦାବୀ କରି ଶାରୀରିକ ଓ ମାନସିକ ନିର୍ଯାତନା ଦିଆଯାଇ ଆସୁଥିଲା ଯାହାକି ଆଜି ଝିଅ ମଧ୍ୟ ମୃତ୍ୟୁର କିଛି ଘଣ୍ଟା ପୂର୍ଵରୁ ବାପ ଘରକୁ ଫୋନ କରି କହିଥିଲା କି ମୋତେ ଶୀଘ୍ର ନେଇଯାଅ ନ ହେଲେ ଏମାନେ ମୋତେ ଜୀବନରୁ ମାରିଦେବେ , କିଛି ସମୟ ପରେ ଫୋନ ଆସିଲା କି ତୁମ ଝିଅ ମେଡିକାଲରେ ଅଛି ଆସ ଝିଅ ର ବାପା ଆସି ପହଞ୍ଚି ଦେଖିଲେ ଯେ ଝିଅ ମରି ଶୋଇଛି ଝିଅର ବାପାଙ୍କ ଅଭିଯୋଗ ଶାଶୁଘର ଲୋକେ ଝିଅକୁ ହତ୍ୟା କରିଛନ୍ତି |
