କାହିଁକି ରାହୁଲଙ୍କୁ ପ୍ରଂଶସା କରିଥିଲେ କରିଥିଲେ ଟାଟା

ଭାରତର ରତ୍ନ ରତନ ଟାଟା । ଶାନ୍ତ ସରଳ ଚେହେରା ହଟାତ୍ ନିରବୀ ଯାଇ ସମସ୍ତଙ୍କୁ ସ୍ବବ୍ଧ କରିଦେଇଛନ୍ତି । ଆଜି ସେ ନ ଥାଇ ବି ସଭିଙ୍କ ହୃଦୟରେ ଅଛନ୍ତି । ସେ ଛାଡିଯାଇଥିବା ଛାପକୁ କୋଣ ଅନୁକୋଣରେ ମନେ ପକାଉଛନ୍ତି ତାଙଅକ ପ୍ରଂଶସକ । ଶିଳ୍ପ ଜଗତର ବାଦଶାହ ସବୁ ଇଣ୍ଡଷ୍ଟ୍ରି ପାଇଁ ପ୍ରେରଣା ସାଜିଛନ୍ତି । ତେବେ ରାଜନୀତିରେ ସକ୍ରିୟ ନଥାଇବି ରାଜନେତାଙ୍କ ସହ ଟାଟାଙ୍କର ଥିଲା ନିବିଡ ସଂପର୍କ । କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ରତନ ଟାଟା ପ୍ରଂଶସା କରୁଥିବା ଭିଡିଓ ଦେଖିବାପରେ ଏହା ସ୍ପଷ୍ଟ ବାରି ହୋଇପଡୁଛି । ଅକ୍ଟୋବର ୯ରେ ଭାରତର ଭେଟେରାନ ଶିଳ୍ପପତି ତଥା ସାମାଜିକ କର୍ମୀ ରତନ ଟାଟାଙ୍କ ଦେହାନ୍ତ ହୋଇଛି । ତାଙ୍କୁ ମୃତ୍ୟୁ ବେଳକୁ ୮୫ ବର୍ଷ ବୟସ ହୋଇଥିଲା। ରତନ ଟାଟା ଭାରତୀୟ ଅର୍ଥନୀତିକୁ ଏକ ନୂତନ ଦିଗ ଦେଇଥିଲେ ଏବଂ ସାରା ବିଶ୍ୱରେ ଭାରତର ପ୍ରତିନିଧିତ୍ୱ କରିଥିଲେ। ଜଣେ ଭଲ ବ୍ୟବସାୟୀ ହେବା ବ୍ୟତୀତ, ରତନ ଟାଟା ତାଙ୍କ ମତକୁ ଦୃଢ ଭାବରେ ରଖୁଥିଲେ। ଭାରତର ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ତାଙ୍କ ବିଷୟରେ କହିଥିଲେ ଯେ ସେ ଯେକୌଣସି ସରକାରରେ ନିଜର ମତ ଉପସ୍ଥାପନ କରିପାରିବେ। ଏହି ସମୟରେ ତାଙ୍କର ଗୋଟିଏ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଭିଡିଓରେ ସେ ରାହୁଲ ଗାନ୍ଧୀଙ୍କୁ ପ୍ରଶଂସା କରୁଥିବା ଦେଖିବାକୁ ମିଳିଛି। ସୂଚନାଅନୁସାରେ ୨୦୧୨ରେ କେନ୍ଦ୍ରରେ କଂଗ୍ରେସ ସରକାର ଥିଲା। କଶ୍ମୀର ଗସ୍ତ ସମୟରେ ରାହୁଲ ଗାନ୍ଧୀ ଛାତ୍ରମାନଙ୍କୁ ପ୍ରତିଶୃତି ଦେଇଥିଲେ ଯେ ସେ ଉପତ୍ୟକାରେ ପୁଞ୍ଜି ବିନିଯୋଗ କରିବେ। ଏହା ପରେ, ଅକ୍ଟୋବର ୨୦୧୨ରେ କଶ୍ମୀର ବିଶ୍ୱବିଦ୍ୟାଳୟର ଅଡିଟୋରିୟମରେ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ରତନ ଟାଟା ଏବଂ କୁମାରମଙ୍ଗଲମ ର୍ବିଲା ପରି ଦେଶର ବହୁ ବଡ ଶିଳ୍ପପତି ଉପସ୍ଥିତ ଥିଲେ। ଏହି ସମୟରେ କଶ୍ମୀରରେ ପୁଞ୍ଜି ବିନିଯୋଗ ବୃଦ୍ଧି ପାଇଁ ରାହୁଲ ଗାନ୍ଧୀଙ୍କ ଉଦ୍ୟମକୁ ପ୍ରଶଂସା କରାଯାଇଥିଲା। ସେ କହିଥିଲେ ଯେ ରାହୁଲ ଗାନ୍ଧୀ ୱିଣ୍ଡୋ ନୁହେଁ ବରଂ ନିବେଶକଙ୍କ ପାଇଁ ଏକ ଦ୍ୱାର ଖୋଲିଛନ୍ତି । ଟାଟାଙ୍କ ବିୟୋଗ ପରେ ଟାଟାଙ୍କର ଏଭଳି ଅନେକ ଭିଡିଓ ଏବେ ସୋଶିଆଲ ମିଡିଆରେ ଭାଇରାଲ ହେବାରେ ଲାଗିଛି ।