ବାଇକକୁ ଧକ୍କା ଦେଇ ଜଳିଗଲା ଯାତ୍ରୀବାହୀ ବସ୍

୧୬ ନମ୍ବର ଜାତୀୟ ରାଜପଥର ଛତିଆ ଠାରେ ବାଇକକୁ ଧକ୍କା ଦେଇ ହଠାତ୍ ଜଳିଗଲା ଯାତ୍ରୀବାହୀ ବସ୍. ବାଇକ୍ ଆରୋହୀ ମୃତ୍ୟୁ ବରଣ କରିଥିବା ବେଳେ ବସରେ ଥିବା ସମସ୍ତ ଯାତ୍ରୀ ସୁରକ୍ଷିତ ଭାବେ ଉଦ୍ଧାର ହୋଇଛନ୍ତି |
ସୋମବାର ସକାଳେ ବାଲେଶ୍ଵରରୁ ମା ଶାରଳା ନାମକ ଘରୋଇ ଯାତ୍ରୀବାହୀ ବସଟି ଭୂବନେଶ୍ୱର ଯାଉଥିବା ବେଳେ କାକେରା ବଜାର ଠାରେ କଟକ ଅଭିମୁଖେ ଯାଉଥିବା ଏକ ବାଇକକୁ ଧକ୍କା ଦେଇଥିଲା | ଘଟଣା ସ୍ଥଳରେ ବାଇକ ଆରୋହୀଙ୍କର ମୃତ୍ୟୁ ଘଟିଥିଲା | ମୃତକ କଟକ ପରମହଂସର ବଲରାମ ସାହୁ ଏବଂ ସେ ଭଦ୍ରକ ଧୁସୁରୀରେ ଥିବା ଏକ ଘରୋଇ ଫାଇନାନ୍ସ କମ୍ପାନୀର କର୍ମଚାରୀ ବୋଲି ଜଣାପଡିଛି | ମାତ୍ର ବସଟି ଦୁର୍ଘଟଣାଗ୍ରସ୍ତ ବାଇକକୁ ୧୦୦ ମିଟର ପର୍ଯ୍ୟନ୍ତ ଘୋଷାଡି ନେଇଥିବାରୁ ଅଗ୍ନିକାଣ୍ଡ ଘଟି ବସଟି ଜଳି ଯାଇଥିଲା | ଖବର ପାଇ ଅଗ୍ନିଶମ କର୍ମଚାରୀ, ବୈରୀ ଥାନା ଓ ଛତିଆ ବିଟ୍ ହାଉସପୋଲିସ ପହଞ୍ଚି ସମସ୍ତ କାର୍ଯ୍ୟକୁ ତ୍ବରାନ୍ବିତ କରିଥିଲେ | ପ୍ରାୟ ୨ ଘଣ୍ଟା ପରେ ରାସ୍ତା ସ୍ବଭାବିକ ହୋଇଥିଲା |