ପୂଜା ବଜାରରେ ମଚାଇବ ଧମାଲ୍ ଚଳଚ୍ଚିତ୍ର ଅତିଥି

ଚଳଚ୍ଚିତ୍ରରେ ଅତିଥି
ନୂଆ ସମ୍ଭାବନା ଆଣିବ ନୂଆ ଫିଲ୍ମ
ପୂଜା ବଜାରରେ ଧମାଲ କରିବେ ଅତିଥି
ବଜେଟ୍ କମ୍,କିନ୍ତୁ କମାଲ କରିବାର ଆଶା।
ପୂଜା ବଜାରରେ ମଚାଇବ ଧମାଲ୍। ଦର୍ଶକଙ୍କ ମନ ଛୁଇଁବାକୁ ନୂଆ ପରିକଳ୍ପନା।ସେପ୍ଟେମ୍ୱର ୨୭ ତାରିଖରେ ପ୍ରେକ୍ଷାଳୟକୁ ଆସିବାକୁ ଯାଉଛି ସଂପୂର୍ଣ୍ଣ ନୂତନ ଧରଣର,ଭିନ୍ନ ସ୍ୱାଦର ଚଳଚ୍ଚିତ୍ର ଅତିଥି,The Unwanted Guest।
ଆଗାମୀ ପିଢ଼ିକୁ ଫିଲ୍ମ ଟି ଏକ ସୁନ୍ଦର ବାର୍ତ୍ତା ଦେବ ବୋଲି ସମସ୍ତଙ୍କ ମଧ୍ୟରେ ରହିଛି ଉତ୍କଣ୍ଠା।ପୂଜା ମାହୋଲର ବେଶ୍ କିଛିଦିନ ପୂର୍ବରୁ ରିଲିଜ୍ ହେବାକୁ ଥିବା ଏହି ଚଳଚ୍ଚିତ୍ର,ପୂଜା ବଜାରକୁ ଆହୁରି ମଜାଦାର କରିବ ବୋଲି ପ୍ରଯୋଜନା ସଂସ୍ଥା ଆଶାବାଦୀ। ଗତ ଦୁଇଦିନ ପୂର୍ବରୁ ଫିଲ୍ମର ଟିଜର ରିଲିଜ୍ ହୋଇଥିବା ବେଳେ ଦର୍ଶକ ଏହାକୁ ଖୁବ୍ ପସନ୍ଦ କରିଥିବା ଦେଖିବାକୁ ମିଳିଛି। କ୍ରମାଗତ ଏହି ଧାରା, ଜାରି ରହିବା ଲକ୍ଷ୍ୟରେ ପ୍ରଯୋଜକ ସ୍ଥିତ ପଟ୍ଟନାୟକ। ସ୍ଥିତ ପଟ୍ଟନାୟକ କହିଛନ୍ତି, ବହୁତ୍ ଦିନ ପରେ ମୋ ଚଳଚ୍ଚିତ୍ର ପରଦାକୁ ଆସିବାକୁ ଯାଉଛି। ବହୁତ୍ କମ୍ ବଜେଟ୍ ରେ ନିର୍ମିତ ହୋଇଛି। କିନ୍ତୁ ପୂଜା ବଜାରରେ ଏହା ମନୋରଞ୍ଜନର ଏକ ଗୁରୁତ୍ଵପୂର୍ଣ୍ଣ ମାଧ୍ୟମ ସାଜିପାରିବ।
ଟିଜରରୁ ଚଳଚ୍ଚିତ୍ରର ମୁଖ୍ୟାଂଶ ସମ୍ପର୍କରେ ଅଳ୍ପ ନଜର ଅନ୍ଦାଜ କରି ହେଉଛି। ଅଭିନେତ୍ରୀ ଅନୁ ଚୌୁଧୁରୀଙ୍କୁ ଏଥିରେ ଲିଡ ରୋଲ ରେ ଦେଖିବାକୁ ମିଳିବ। ସେହିପରି ସୁକାନ୍ତ ରଥଙ୍କ ମନଛୁଆଁ ଅଭିନୟ ଦର୍ଶକଙ୍କୁ ମତୁଆଲା କରିବ। ଅନ୍ୟମାନଙ୍କ ମଧ୍ୟରେ ଯୁବ ଅଭିନେତ୍ରୀ, ସାୟଲ ଓ ଭେଟରାନ ଅଭିନେତା ମନୋଜ ମିଶ୍ରଙ୍କୁ ଭିନ୍ନ ଭିନ୍ନ ଚଳଚ୍ଚିତ୍ରରେ ଦେଖିବାକୁ ପାଇବେ, ସିନେପ୍ରେମୀ ଦର୍ଶକ।ଫିଲ୍ମକୁ ନେଇ ଅଭିନେତା ଓ ଅଭିନେତ୍ରୀଙ୍କ ପ୍ରତିକ୍ରିୟା ହେଉଛି, ଅତିଥି ମାନଙ୍କୁ ସ୍ଵାଗତ କରିବେ ଓଡ଼ିଆ ଦର୍ଶକ। ଆମ ଆଶା ଏହା ଖୁବ୍ ରୋମାଞ୍ଚକର ଫିଲ୍ମ ହେବ।ବଜେଟ୍ କମ୍ ହୋଇପାରେ କିନ୍ତୁ ମନୋରଞ୍ଜନ ଭରପୁର ରହିଛି। ଆଶା କରୁଛୁ ଅଡିଏନ୍ସ ୨୭ ରେ ଥିଏଟର ଆସି ମୁଭି ଦେଖନ୍ତୁ।
ପୂଜା ମାହୋଲ ଭିତରେ କିଛି ଚଳଚ୍ଚିତ୍ର ମୁକ୍ତିଲାଭ କରିଛି। ଆଉ କିଛି ରିଲିଜ୍ ଅପେକ୍ଷାରେ ରହିଛି। ଏହି ଲମ୍ବା ଧାଡ଼ିରେ ଅତିଥିକୁ କେଉଁ ସ୍ୱତନ୍ତ୍ରତା ମିଳୁଛି ଦେଖିବାକୁ ବାକି ରହିଲା।