ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଆଜି ରାଜ୍ୟ ମୁଖ୍ୟ ଶାସନ ସଚିବ ଅସିତ୍ ତ୍ରିପାଠୀଙ୍କୁ ବିଦାୟକାଳୀନ ସମ୍ବର୍ଦ୍ଧନା ଦିଆଯିବ । ଲୋକସେବା ଭବନର କନ୍ଭେନ୍ସନ୍ ସେଣ୍ଟରରେ ସନ୍ଧ୍ୟା ୫ଟା ୩୦ରେ ଏହି ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହେବ । ତେବେ ଏହି ସମ୍ବର୍ଦ୍ଧନା ସଭାରେ ରାଜ୍ୟ ପ୍ରଶାସନର ସମସ୍ତ ସଚିବ, କମିସନ, ପ୍ରମୁଖ ଶାସନ ସଚିବ, ଅତିରିକ୍ତ ମୁଖ୍ୟ ଶାସନ ସଚିବଙ୍କ ସମେତ ଓଏଏସ୍ ଅଧିକାରୀମାନେ ଯୋଗଦେବେ । ତେବେ ଶ୍ରୀ ତ୍ରିପାଠୀ ଆସନ୍ତାକାଲି ଅର୍ଥାତ୍ ଡିସେମ୍ବର ୩୧ ତାରିଖରେ ପ୍ରଶାସନିକ ଚାକିରିରୁ ଅବସର ଗ୍ରହଣ କରିବେ। ତାଙ୍କ ସ୍ଥାନରେ ମୁଖ୍ୟ ଶାସନ ସଚିବ ଭାବେ ବର୍ତ୍ତମାନ ଉନ୍ନୟନ କମିସନର ଥିବା ସୁରେଶ ଚନ୍ଦ୍ର ମହାପାତ୍ରଙ୍କୁ ସରକାର ନିଯୁକ୍ତ କରିସାରିଛନ୍ତି ।
ତେବେ ଶ୍ରୀ ତ୍ରିପାଠୀ ଅବସର ନେବା ପରେ ରାଜ୍ୟ ସରକାର ତାଙ୍କୁ ପଶ୍ଚିମ ଓଡିଶାର ବିକାଶ ପରିଷଦର ଚେୟାରମ୍ୟାନ ଭାବେ ନିଯୁକ୍ତି ଦେଇଛନ୍ତି ଓ ରାଜ୍ୟ ସରକାରଙ୍କ ଆଞ୍ଚଳିକ ବିକାଶ, ପର୍ଯ୍ୟଟନ, କୃଷି ଓ ଶିଳ୍ପର ମୁଖ୍ୟ ଉପଦେଷ୍ଟା ଭାବେ ମଧ୍ୟ ସେ କାର୍ଯ୍ୟ କରିବେ ।
Sri Asit Kumar Tripathy, IAS Chief Secretary of #Odisha is appointed as the Chairman of Western Odisha Development Council. He will be also Principal Advisor to @CMO_Odisha on Regional Development, Tourism, Agribusiness and Industry.
— I & PR Department, Odisha (@IPR_Odisha) December 25, 2020
