Sunstar Tv
Blast in Jammu & Kashmir: ଜମ୍ମୁ କଶ୍ମୀରର ବାରମୁଲା ଜିଲ୍ଲାର ସୋପୋର ଅଞ୍ଚଳରେ ଆଜି ଭୟଙ୍କର ବିସ୍ଫୋରଣ ଘଟି ୪ ଜଣଙ୍କ ମୃତ୍ୟୁ ଘଟିଛି ।
ଶେର କଲୋନୀରେ ଜଣେ ସ୍କ୍ରାପ୍ ଡିଲର ଏକ ଟ୍ରକ୍ରୁ ସାମଗ୍ରୀ ଉଠାଉଥିବା ବେଳେ ଏହି ଘଟଣା ଘଟିଛି । ପୁଲିସ ଘଟଣାର ତଦନ୍ତ ଚଳାଇଛି । ସୁଚନାନୁସାରେ , ସୋପୋରରେ ଏକ ବିସ୍ଫୋରଣ ହେବା ଯୋଗୁଁ ୪ ଜଣଙ୍କର ମୃତ୍ୟୁ ହୋଇଥିଲା ।
ବିସ୍ଫୋରଣରେ ଜଣେ ଆହତ ହୋଇଥିବା ଜଣାପଡିଛି । ବାରାମୁଲା ଜିଲ୍ଲାର ସୋପୋର ଅଞ୍ଚଳ ଶେର କଲୋନୀରେ ଏକ କବାଡିଆ ଦୋକାନ ଭିତରେ ହୋଇଥିଲା ।
ଘଟଣା ସମୟରେ କିଛି ଲୋକ ଟ୍ରକରୁ କବାଡିଆ ଜିନିଷ ବାହାର କରୁଥିବା ବେଳେ ବିସ୍ଫୋରଣ ହୋଇଥିଲା । ୨ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ଦୁଇଜଣ ହସ୍ପିଟାଲରେ ଜୀବନ ହାରିଛନ୍ତି ।
ଭୟଙ୍କର ବିସ୍ଫୋରଣରେ ମୃତକଙ୍କ ପରିଚୟ ମିଳିଛି । ନଜିର ଅହମଦ ନାଦରୁ(୪୦), ଆଜମି ଅଶରଫ ମୀର(୨୦), ଆଦିଲ ରାଶିଦ ଭଟ (୨୩), ମୋହମଦ ଅଜହର(୨୫) । ସମସ୍ତ ପୀଡିତ ଶେର କଲୋନୀର ବୋଲି ଜଣାପଡିଛି । ତେବେ ବିସ୍ଫୋରଣ କେମିତି ହେଲା ତା’ର ଯାଞ୍ଚ କରୁଛି ଏକ ଟିମ୍ ।
