Sunstar TV
ସନଷ୍ଟାରଟିଭି ବ୍ୟୁରୋ : ସୁଖ ହେଉ କି ଦୁଃଖ ସଙ୍ଗୀତ ଶୁଣିଲେ ହୃଦୟକୁ ଶାନ୍ତି ମିଳିଥାଏ । କୁହାଯାଏ ସଂଗୀତର କୌଣସି ଭାଷା ନାହିଁ ଏହାର ସୀମା ମଧ୍ୟ ନାହିଁ ଏହା ହୃଦୟରୁ ଆସିଥାଏ ଏବଂ ହୃଦୟରେ ପହଞ୍ଚେ । ସଙ୍ଗୀତକୁ ପ୍ରେମର ଭାଷା ମଧ୍ୟ କୁହାଯାଏ । କିଛି ଲୋକଙ୍କ ଦିନ ସଂଗୀତରୁ ଆରମ୍ଭ ହୁଏ ଏବଂ କିଛି ଲୋକଙ୍କ ରାତି ସଙ୍ଗୀତ ସହିତ ଶେଷ ହୁଏ ।ଆଜି ବିଶ୍ୱ ସଂଗୀତ ଦିବସ ସଂଗୀତର ଏହି ବିଶେଷତାକୁ ଆଲୋକିତ କରେ । ପ୍ରତିବର୍ଷ ୨୧ ଜୁନ୍ ରେ ବିଶ୍ୱ ସଙ୍ଗୀତ ଦିବସ ପାଳନ କରାଯାଏ । ଏହି ଦିନ ସଙ୍ଗୀତ ଦିବସ ପାଳନ କରିବା ୧୯୮୨ ମସିହାରେ ଫ୍ରାନ୍ସରେ ଆରମ୍ଭ ହୋଇଥିଲା ।
ଫରାସୀମାନଙ୍କ ସଂଗୀତ ପ୍ରତି ଆଗ୍ରହ ଏକ ବିଶେଷ ଭୂମିକା ଗ୍ରହଣ କରେ । ତେଣୁ ଏହି ଦିନ ପାଳନ କରିବା ସେମାନେ ଆରମ୍ଭକରିଥିଲା । ୧୯୮୨ ମସିହାରେ ଏହି ଦିନ ପାଳନ ସଙ୍ଗୀତ ଦିବସ ପାଳନ କରିବାକୁ ପ୍ରସ୍ତାବ ଦେଇଥିଲେ ଯାହା ପରେ ଜୁନ୍ ୨୧ କୁ ବିଶ୍ୱ ସଙ୍ଗୀତ ଦିବସ ଭାବରେ ଘୋଷଣା କରାଯାଇଥିଲା। ସଂଗୀତ ପ୍ରତି ଲୋକଙ୍କ ଭଲପାଇବା ଦେଖି ଏହି ଦିନ ଏକଠି ହୋଇ ପାଳନ କରାଯାଏ ଗୀତଗୁଡ଼ିକ ଏକାଠି ଶୁଣାଯାଏ ଗୀତ ଗାନ କରାଯାଏ ଗୀତଗୁଡ଼ିକରେ ନୃତ୍ୟ କରାଯାଏ ଏବଂ ପୁରା ସମୟ ସଂଗୀତ ମୟ ହୋଇଯାଏ ।ସଙ୍ଗୀତ ଶୁଣିବା ଦ୍ଵାରା ସ୍ୱାସ୍ଥ୍ୟରେ ଅନେକ ଲାଭ ମଧ୍ୟ ମିଳିଥାଏ ।
ସଂଗୀତର ଉପକାରିତା :-
ସଂଗୀତ ତିଆରି କରିବା ଗୀତ ଗାଇବା କିମ୍ବା ଗୀତ ଶୁଣିବା ଦ୍ୱାରା ମସ୍ତିଷ୍କର ବ୍ୟାୟାମ ହୁଏ ତାହା ଭଲ କାମ କରେ । ଗୀତ ଶୁଣିବା ଦ୍ୱାରା ଚିନ୍ତା ଦୂର ହୋଇଥାଏ, ରକ୍ତଚାପ କମିଯାଏ ଏବଂ ଚାପ କମିଥାଏ । ସଙ୍ଗୀତ ଶୁଣିବା ଦ୍ୱାରା ଚାପ ହରମୋନ୍ କର୍ଟିସୋଲର ସ୍ତର କମିଯାଏ ଏବଂ ସେରୋଟୋନିନ୍ ଏବଂ ଏଣ୍ଡୋରଫିନ୍ ବଢିଥାଏ ଯାହା ମନୋବଳକୁ ବଢାଇଥାଏ ।ଗୀତ ଶୁଣିବା ଧ୍ୟାନ ପରି କାମ କରେ । ଏହି କାରଣରୁ ଜଣେ ଅଶାନ୍ତ ବ୍ୟକ୍ତି ଶାନ୍ତ ସ୍ଥିର ଅନୁଭବ କରେ ।ସଙ୍ଗୀତ ଶୁଣିବା ସମୟରେ ଜଣେ ବ୍ୟକ୍ତି ଶାନ୍ତିରେ ଶୋଇପାରେ ।
ଅନେକ ଲୋକଙ୍କ ପାଇଁ ସଂଗୀତ ଯନ୍ତ୍ରଣାକୁ କମାଇ ଥାଏ କିମ୍ବା ଯନ୍ତ୍ରଣାକୁ ସାମ୍ନା କରିବାରେ ସହାୟକ ହୋଇଥାଏ । ଏହି କାରଣରୁ କେବଳ ମାନସିକ ନୁହେଁ ଶାରୀରିକ ଯନ୍ତ୍ରଣା ମଧ୍ୟ କମିଥାଏ
ଜୀବନରେ ସଂଗୀତର ଅବଦାନ ଓ ମହତ୍ତ୍ୱ ବିଷୟରେ ବିଶ୍ୱବାସୀଙ୍କୁ ଅବଗତ କରାଇବା ଉଦ୍ଦେଶ୍ୟରେ ‘ବିଶ୍ୱ ସଂଗୀତ ଦିବସ’ ପାଳନ କରାଯାଏ। ଏହି ଦିନ ଭାରତୀୟ ସଂସ୍କୃତିରେ ସଂଗୀତର ଅବଦାନ ବାବଦରେ ମଧ୍ୟ ଆଲୋଚନା କରାଯାଏ। ବିଶ୍ୱ ସଂଗୀତ ଦିବସ ଉପଲକ୍ଷେ ସନଷ୍ଟାର ଟିଭି ତରଫରୁ ଅନେକ ଅନେକ ଅଭିନନ୍ଦନ ।
