SunStarTV
ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ମୋହନ ଚରଣ ମାଝୀ । ବୁଧବାର ଓଡ଼ିଶାର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ଲୋକସେବା ଭବନରେ ପ୍ରଥମ କ୍ୟାବିନେଟ ବୈଠକ କରିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ । ତେବେ ପ୍ରଥମ କ୍ୟାବିନେଟ ବୈଠକରେ ବଡ଼ ନିଷ୍ପତ୍ତି ନେଇଛନ୍ତି ନୂଆ ସରକାର । ରାଜ୍ୟବାସୀଙ୍କ ପାଇଁ ପ୍ରଥମ କ୍ୟାବିନେଟ୍ ବୈଠକରେ ୪ଟି ପ୍ରସ୍ତାବ ଉପରେ ଲାଗିଛି ମୋହର ।
ଆଜି ଠାରୁ ଖୋଲିଛି ଶ୍ରୀମନ୍ଦିରର ଚାରି ଦ୍ବାର । ଭକ୍ତଙ୍କ ପାଇଁ ପୂରାପୂରି ଖୋଲାହେଇଛି ପୁରୀ ର ୪ ଦ୍ବାର । ଭକ୍ତ ମାନେ ସୁରୁଖୁରୁରେ ଦର୍ଶନ କରିପାରିବେ ବୋଲି ଏହି ଚାରି ଦ୍ୱାର ଖୋଲା ଯାଇଛି ।
ପ୍ରତିଦିନ ଶ୍ରୀମନ୍ଦିରରେ ଭକ୍ତଙ୍କ ସମାଗମ ବୃଦ୍ଧି ରହୁଥିବା ବେଳେ ଏହି ବୃଦ୍ଧି କୁ ଦୃଷ୍ଟିରେ ରଖି ଶ୍ରୀମନ୍ଦିର ଚାରିଦ୍ୱାର ଖୋଲିବା ନେଇ ନିଷ୍ପତ୍ତି ନିଆଯାଇଛି । ସକାଳ ମଙ୍ଗଳ ଆଳତି ସମୟରେ ସରକାରଙ୍କ ଉପସ୍ଥିତିରେ ଆଜି ଚାରି ଦ୍ୱାର ଖୋଲାଯାଇଛି । ମୁଖ୍ୟମନ୍ତ୍ରୀ ମୋହନ ମାଝୀଙ୍କ ସମେତ ଉପମୁଖ୍ୟମନ୍ତ୍ରୀ ଏବଂ ଅନ୍ୟ ବିଜେପି ନେତା ମାନେ ଙ୍କ ଉପସ୍ଥିତିରେ ମନ୍ଦିର ଦ୍ୱାର ଖୋଲା ଯାଇଛି।
