SUNSTARTV
ସନଷ୍ଟାରଟିଭି ବ୍ୟୁରୋ: ରାଜ୍ୟ ତଥା ଦେଶରେ ସରିଛି ନିର୍ବାଚନ । ଭୋଟରମାନେ ବାଛି ସାରିଛନ୍ତି ସେମାନଙ୍କ ସରକାର । ତେବେ ଚଳିତ ନିର୍ବାଚନରେ ବଦଳି ଯାଇଛି ଓଡିଶାର ରାଜନୀତି ସମିକରଣ । ଓଡିଶାରେ ଯିଏ ୨୪ ବର୍ଷ ହେଲା ମୁଖ୍ୟମନ୍ତ୍ରୀ ଗାଦିରେ ବସିଥିଲେ ଆଜି ସେ ସାଜିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳର ନେତା । ତେବେ ଏହାରି ଭିତରେ ବଦଳି ଯାଇଛି ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ସୋସିଆଲ ମିଡିଆ ପ୍ରୋଫାଇଲ । ଯାହାକୁ ନେେଇ ବର୍ତ୍ତମାନ ସବୁଠି ଚର୍ଚ୍ଚା ହେଉଛି ।
ମିଳିଥିବା ସୂଚନା ଅନିଯାୟୀ , ନିର୍ବାଚନରେ ହାରିବା ପରେ ଓଡିଶାରେ ବିଜେଡି ସରକାର ଶେଷ ହୋଇଛି । ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି ନବୀନ ପଟ୍ଟନାୟକ । ସେ ଏବେ ବିରୋଧୀ ଦଳର ମୁଖିଆ ସାଜିଛନ୍ତି । ଏଥିସହିତ ଆଜିଠୁ ଆରମ୍ଭ ହେବାକୁ ଯାଉଛି ବିଜେପି ସରକାର । ତେବେ ଏହି ସବୁ ଖବର ଭିତରେ ନବୀନ ପଟ୍ଟନାୟକଙ୍କ ସୋସିଆଲ ମିଡିଆ ପ୍ରୋଫାଇଲକୁ ନେଇ ମଧ୍ୟ ଆଲୋଚନା ହେଉଛି । ୨୪ ବର୍ଷ ହେବ ଯେଉଁ ପ୍ରୋଫାଇଲ ଥିଲା ଆଜି ତାହା ବଦଳିଛି । ଓଡିଶାର ମୁଖ୍ୟମନ୍ତ୍ରୀରୁ ଏବେ ବିଜେଡି ସଭାପତି ବୋଲି ପ୍ରୋଫାଇଲରେ ରହିଛି । ତେବେ ନବୀନ ପଟ୍ଟନାୟକଙ୍କ ଇଷ୍ଟାଗ୍ରାମ ଏବଂ ଏକ୍ସର ପ୍ରୋଫାଇଲ ଷ୍ଟାୟସ ବଦଳିଥିବା ଦେଖିବାକୁ ମିଳିଛି । ତେବେ ପୀର୍ବରୁ ମୁଖ୍ୟମନ୍ତ୍ରୀ ଭାବେ ପ୍ରୋଫାଇଲ ରହିଥିଲା । ବର୍ତ୍ତମାନ କିନ୍ତୁ ବିଜେଡି ସଭାପତି ଭାବେ ତାଙ୍କ ପ୍ରୋଫାଇଲ ଅବଡେଟ୍ ହୋଇଛି ।
