SUNSTARTV
ସନଷ୍ଟାରଟିଭି ବ୍ୟୁରୋ: ପୁଣି ଥରେ ଓଡିଶାକୁ ଆସୁଛନ୍ତି ଏନଡିଏ ନେତା ନରେନ୍ଦ୍ର ମୋଦି । ରାଜଧାନୀରେ କରିବେ ରୋଡ ଶୋ । ଯାହାକୁ ନେଇ ଆରମ୍ଭ ହୋଇଛି ପ୍ରସ୍ତୁତି । ତେବେ ଚଳିତ ବର୍ଷ ଓଡିଶା ରାଜନୀତିରେ ଏକ ବିଶାଳ ପରିବର୍ତ୍ତମନ ହୋଇଛି । ବିଜେଡି ହାତରୁ ଖସିଛି ୨୪ ବର୍ଷର ଶାସନ ଡୋରି । ଓଡିଶାରେ ସରକାର କରିବାକୁ ଯାଉଛି ବିଜେପି । ତେବେ ଆସନ୍ତା ୧୨ ତାରିଖରେ ଓଡିଶାର ନୂଆ ମୁଖ୍ୟମନ୍ତ୍ରୀ ନାଁ ଘୋଷଣା ହେବ । ଏନଇ ଜାତିୟ ଗଣମାଧ୍ୟମରେ ଖବର ପ୍ରକାଶ ପାଇଛି ।
ଚଳିତ ନିର୍ବାଚନରେ ବିଜେପି ନେତା ନରେନ୍ଦ୍ର ମୋଦି ଘନ ଘନ ଓଡିଶା ଗସ୍ତ କରିଥିଲେ । ତାଙ୍କ ସହ ଅନେକ ଟାଣୁଆ ବିଜେପି ନେତା ମଧ୍ୟ ଓଡିଶା ଆସିଥିଲେ । ଯାହାର ପ୍ରଭାବ ଓଡିଶାବାସୀଙ୍କ ଉପରେ ପଡିଥିଲା । ଫଳରେ ଓଡିଶାରେ ଭାଙ୍ଗିଛି ବିଜେଡି ସରକାର । ତେବେ ଆସନ୍ତା ୧୨ ତାରିଖରେ ଓଡିଶାରେ ନୂଆ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ସମାରୋହ ରହିଛି । ଏହି ଅବସରରେ ମୋଦି ମୁଖ୍ୟ ଅତିଥି ଭାବେ ଯୋଗ ଦେବା ସହ କରିବେ ବିଶାଳ ରୋଡ ସୋ । ଏହି ରୋଡ ସୋ ଜୟଦେବ ବିହାରରୁ ବାହାରି ଜନତା ମୈଦାନ ପର୍ଯ୍ୟନ୍ତ ଯିବାର ସୂଚନା ରହିଛି । ଏଥିସହିତ ଜନତା ମୈଦାନଠାରେ ମୋଦି ଏକ ପ୍ରେସମିଟ କରିବାର ମଧ୍ୟ କାର୍ଯ୍ୟକ୍ରମ ରହିଛି ।
ଚଳିତ ନିର୍ବାଚନରେ ବିଜେଡି ହାରିବା ପରେ ଓଡିଶାରେ କିଏ ନୂଆ ମୁଖ୍ୟମନ୍ତ୍ରୀ ହେବେ ସେ ନେଇ ଲାଗି ରହିଛି କଳ୍ପନା ଜଳ୍ପନା । ଏହାରି ଭିତରେ ମୁଖ୍ୟମନ୍ତ୍ରୀ ଚୟନ ପାଇଁ ଘୋଷଣା ହୋଇଥିବା ତାରିଖ ମଧ୍ୟ ଙ୍ଘୁଚିଛି । ଓଡିଶାରେ ୧୦ ତାରିଖ ବଦଳରେ ୧୨ତରିଖରେ ମୁଖ୍ୟମନ୍ତ୍ରୀ ଶପଥ ପାଠ ରହିଛି । ଏହି ଅବସରରେ ମୋଦି ଓଡିଶା ଆସୁଥିବା ଜଣାପଡିଛି ।
