Sunstar Tv
Sujata Pandian: ବିଜୁ ଜନତା ଦଳର ପ୍ରମୁଖ ନେତା ଭିକେ ପାଣ୍ଡିଆନଙ୍କ ପତ୍ନୀ ସୁଜାତା କାର୍ତ୍ତିକେୟନକୁ ନେଇ ବର୍ତ୍ତମାନ ଏକ ଖବର ସାମ୍ନାକୁ ଆସିଛି।
ସେ ୬ ମାସ ପାଇଁ କାର୍ଯ୍ୟକ୍ଷେତ୍ରରୁ ଛୁଟି ନେଇଛନ୍ତି। ଜୁନରୁ ନଭେମ୍ବର ଯାଏଁ ସୁଜାତା ଛୁଟିରେ ରହିବେ। ଅର୍ଥ ବିଭାଗର ସ୍ୱତନ୍ତ୍ର ସଚିବ ଥିଲେ ସୁଜାତା କାର୍ତ୍ତିକେୟନ। ଝିଅର ଦଶମ ପରୀକ୍ଷା ପ୍ରସ୍ତୁତି ପାଇଁ ଛୁଟି ନେଇଛନ୍ତି ବୋଲି ଉଲ୍ଲେଖ କରିଛନ୍ତି।
ଆଜ୍ଞା ହଁ, ଛୁଟିରେ ଗଲେ ପାଣ୍ଡିଆନଙ୍କ ପତ୍ନୀ ତଥା IAS ସୁଜାତା କାର୍ତ୍ତିକେୟନ ପାଣ୍ଡିଆନ। ୫ ଦିନ କି ୧୦ ଦିନ ନୁହେଁ ବରଂ ୬ ମାସର ଲମ୍ବା ଛୁଟିରେ ଗଲେ ସୁଜାତା ପାଣ୍ଡିଆନ। ଏମିତି ଖବର ସମସ୍ତଙ୍କୁ ଆଶ୍ଚର୍ଯ୍ୟ କରିଛି। କିନ୍ତୁ ଆଶ୍ଚର୍ଯ୍ୟ ଲାଗୁଥିଲେ ବି ସତ। ୬ ମାସ ପାଇଁ ଛୁଟିରେ ଗଲେ ଅର୍ଥ ବିଭାଗର ସ୍ବତନ୍ତ୍ର ସଚିବ ସୁଜାତା କାର୍ତ୍ତିକେୟନ ପାଣ୍ଡିଆନ।
ମିଳିଥିବା ସୂଚନା ଅନୁସାରେ, ମେ ୩୧ ତାରିଖରୁ ଛୁଟିରେ ଅଛନ୍ତି ସୁଜାତା ପାଣ୍ଡିଆନ । ଆଉ ସେ ନଭେମ୍ବର ୨୬ ତାରିଖ ଯାଏ ଛୁଟିରେ ରହିବେ ।
ଝିଅର ଦଶମ ପରୀକ୍ଷା ଥିବାରୁ ୬ ମାସ ଛୁଟି ନେଇଛନ୍ତି ସୁଜାତା ପାଣ୍ଡିଆନ । କିନ୍ତୁ ଏହାକୁ କେହି ସହଜରେ ଗ୍ରହଣ କରିପାରୁ ନାହାନ୍ତି । କାରଣ ଜଣେ IAS ଅଧିକାରୀ ୬ ମାସ ଛୁଟିରେ ରହିବେ ଆଉ ଛୁଟିର କାରଣ ଝିଅର ପରୀକ୍ଷା ! ଏହାକୁ ନେଇ ଆରମ୍ଭ ହୋଇଯାଇଛି କଳ୍ପନାଜଳ୍ପନା ।
