ସନ୍ଷ୍ଟାର ଟିଭି ବ୍ୟୁରୋ
ଅଜମେର: ସମସ୍ତଙ୍କର କିଛି ନା କିଛି ଅଜବ ସଉକ ରହିଥାଏ ।ନିଜ ସ୍ତ୍ରୀ ବା ପ୍ରେମିକା ପାଇଁ ଜହ୍ନରେ ଜାଗା କିଣିବା କଥା ବହୁତ ଗୀତ ଓ ଫିଲ୍ମରେ ଶୁଣାଯାଏ ।କିନ୍ତୁ ରାଜସ୍ଥାନର ଅଜମେରରେ ସତରେ ଘଟିଛି ଏପରି ଘଟଣା । ନିଜ ସ୍ତ୍ରୀ ପାଇଁ ଜହ୍ନରେ ଜାଗା କିଣିଛନ୍ତି ରାଜସ୍ଥାନର ଧର୍ମେନ୍ଦ୍ର ଅନିଜା । ଧର୍ମେନ୍ଦ୍ର ନିଜ ବିବାହ ବାର୍ଷିକୀ ଅବସରରେ ନିଜ ସ୍ତ୍ରୀଙ୍କୁ ଦେଇଛନ୍ତି ଏହି ଉପହାର ଯାହା କେହି କେବେ କଳ୍ପନା କରିନଥିବେ ।
ଡିସେମ୍ବର ୨୪ ତାରିଖରେ ସ୍ୱପ୍ନା ଏବଂ ଧର୍ମେନ୍ଦ୍ରଙ୍କ ଅଷ୍ଟମ ବିବାହ ବାର୍ଷିକୀ ଉତ୍ସବ ସମୟରେ ସେ ଏହି ଉପହାର ଦେଇ ନିଜ ସ୍ତ୍ରୀ ସ୍ଵପ୍ନାଙ୍କୁ ଚକିତ କରିଦେଇଥିଲେ ।ଏଭଳି ଉପହାର ପାଇବା କେବେ ବି କଳ୍ପନା କରିନଥିଲେ ସ୍ୱପ୍ନା । ବିବାହ ବାର୍ଷିକୀରେ କିଏ ଗହଣା, କାର୍ କିମ୍ବା ଅନ୍ୟ କିଛି ଉପହାର ଦେଇ ଖୁସି ଜାହିର କରୁଥିବା ବେଳେ ଭିନ୍ନ ଏକ ଉପହାର ଦେବା ପାଇଁ ସ୍ଥିର କରିଥିଲେ ଧର୍ମେନ୍ଦ୍ର । ସେ ସ୍ତ୍ରୀଙ୍କ ପାଇଁ ଜହ୍ନରେ ୩ ଏକର ଜାଗା କିଣିଛନ୍ତି ।
ଧର୍ମେନ୍ଦ୍ର କହିଛନ୍ତି ଯେ ସେ ଜହ୍ନରେ ଜାଗା କିଣି ବହୁତ ଖୁସି ଅଛନ୍ତି ଓ ସେ ବୋଧହୁଏ ରାଜସ୍ଥାନର ପ୍ରଥମ ବ୍ୟକ୍ତି, ଯିଏ ଜହ୍ନରେ ଜାଗା କିଣିବାରେ ସଫଳ ହୋଇଛନ୍ତି ।ସେ ଏହି ଜାଗା ଲୁନା ସୋସାଇଟି ଇଣ୍ଟର୍ନ୍ୟାସାନାଲରୁ କିଣିଛନ୍ତି ଓ ଏହାକୁ କିଣିବା ପାଇଁ ତାଙ୍କୁ ୧ ବର୍ଷ ସମୟ ଲାଗିଥିଲା ।
