SUNSTARTV
କେନ୍ଦ୍ରାପଡା: ୨୪ ସାଧାରଣ ନିର୍ବାଚନରେ ଆଜି ଚାଲିଛି ଭୋଟ ଗଣତି । ଲୋକସଭା ସହିତ ୨ଟି ରାଜ୍ୟର ବିଧାନସଭା ନିର୍ବାଚନର ହେଉଛି ଗଣତି । ବର୍ତ୍ତମାନ ସୁଦ୍ଧା ରାଜ୍ୟରେ ଟ୍ରେଣ୍ଡରେ ରହିଛି ବିଜେପି । ୧୪୭ ବିଧାନସଭା ଆସନରୁ ବର୍ତ୍ତମାନ ସୁଦ୍ଧା ୧୪୧ ବିଧାନସଭା କ୍ଷେତ୍ରର ଟ୍ରେଣ୍ଡ ସାମ୍ନାକୁ ଆସିଛି । ଯେଉଁଥିରେ ବିଜେପି ୭୦ ଆସନ ନେଇଥିବା ବେଳେ ବିଜେଡି ଖାତାକୁ ଯାଇଛି ୬୧ଟି ସିଟ୍ । ସେହିପରି ବର୍ତ୍ତମାନ ସୁଦ୍ଧା ୧୩ଟି ସିଟରେ ସିମିତ ରହିଛି କଂଗ୍ରେସ । ତେବେ ଏହାରି ଭିତରେ କେନ୍ଦ୍ରାପଡା ସଂସଦିୟ କ୍ଷେତ୍ରର ଆଳି ବିଧାନସଭା ଆସନ ପାଇଁ ଚାଲିଛି ଭୋଟ ଗଣତି ।
ବର୍ତ୍ତମାନ ସୁଦ୍ଧା ୧୪ ରାଉଣ୍ଡ ଭୋଟ ଗଣତି ଚାଲିଥିବା ବେଳେ ଆଗରେ ରହିଛନ୍ତି ବିଜେଡି ବିଧାୟକ ପ୍ରାର୍ଥୀ ପ୍ରତାପ କେଶୋରି ଦେବ । ସେ ବର୍ତ୍ତମାନ ସୁଦ୍ଧା ୨୯ ହଜାର ୪୯୧ ଖଣ୍ଡ ଭୋଟ ପାଇଛନ୍ତି । ସେହିପରି କଂଗ୍ରେସ ପ୍ରାର୍ଥୀ ଦେବସ୍ମିତା ଶର୍ମା ୨୩ ହଜାର ୪୭୬ ଖଣ୍ଡ ଭୋଟ ପାଇଥିବା ବେଳେ ବିଜେପି ପ୍ରାର୍ଥୀ କ୍ରୀଷ୍ଣ ଚନ୍ଦ୍ର ପଣ୍ଡା ୧୮ ହଜାର ୨୮୨ ଖଣ୍ଡ ଭୋଟ ହାତେଇଛନ୍ତି । ତେବେ ପ୍ରତାପ ଦେବ ଦେବସ୍ମିତା ଶର୍ମାଙ୍କ ଠାରୁ ୬ ହଜାର ୧୫ ଖଣ୍ଡ ଭୋଟରେ ଆଗରେ ରହିଛି ।
