Sunstar TV :
ପୁଣି ଚମକିବ ଓଡିଶା । କାରଣ ଏଥର ଓଡିଶାରେ ଓଡିଶା କୁଇନ ତା ଚତୁର୍ଥ ସଂସ୍କରଣ ଜୁଲାଇ ୨୦ ତାରିଖରେ ଭୁବନେଶ୍ୱରରେ ପାଦ ଥାପିବାକୁ ଯାଉଛି । ଏନେଇ ଏବେ ଠୁ ଓଡିଶାର କୁଇନମାନେ ନିଜକୁ ପ୍ରସ୍ତୁତ କରିବାସହ ସଜେଇ ହେଲେଣି । ଆଉ ମନରେ ରହିଛି ଓଡିଶା କୁଇନ ହେବାର ସ୍ୱପ୍ନ । ତେବେ ଏହି ଓଡିଶା କୁଇନ କନଟେଷ୍ଟ ଖୋଲି ଦେବ ଓଡିଶା ଝିଅଙ୍କ ଭାଗ୍ୟ ।
ଜୁଲାଇ ୨୦ ତାରିଖରେ ଭୁବେନଶ୍ବରରେ ଆୟୋଜିତ ହେବାକୁ ଯାଉଛି ଓଡିଶା କୁଇନର ଚତୁର୍ଥ ସଂସ୍କରଣ । ଆରଆର ଇଭେଣ୍ଟ୍ସ ଦ୍ୱାରା ରେଳବାଇ ଅଡିଟୋରିୟମ ଠାରେ ଅନୁଷ୍ଠିତ ହେବାକୁ ଥିବା ଏହି ପ୍ରତିଯୋଗିତାରେ ମୁଖ୍ୟ ଆକର୍ଷଣ ସାଜିବେ ବଲିଉଡ଼ ଅଭିନେତ୍ରୀ ମଲାଇକା ଅରୋରା । ପ୍ରତିଯୋଗିତାରେ ଓଡ଼ିଶାର କୋଣ ଅନୁକୋଣର ପ୍ରତିଯୋଗୀମାନେ ଯୋଗ ଦେଇପାରିବ । ଏଥିପାଇଁ ଓଡିଶାର ବିଭିନ୍ନ ସ୍ଥାନରେ ଖୁବଶୀଘ୍ର ଅଡିସନ ଆରମ୍ଭ ହୋଇଯିବ । ବ୍ରହ୍ମପୁରରେ ଜୁନ ୧୯ ତାରିଖ ,ବାଲେଶ୍ୱରରେ ଜୁନ ୨୨ ତାରିଖ, ରାଉରକେଲାରେ ଜୁନ ୨୮ ତାରିଖ , ସମ୍ବଲପୁରରେ ଜୁନ ୩୦ ତାରିଖ ,କଟକରେ ଜୁଲାଇ ୩ ତାରିଖ ଏବଂ ଭୁବନେଶ୍ୱର ଠାରେ ଜୁଲାଇ ୫ ତାରିଖ ଦିନ ଅଡିସନ ଅନୁଷ୍ଠିତ ହେବ। ୧୮ ରୁ ୨୮ ବର୍ଷ ପର୍ଯ୍ୟନ୍ତ ଯୁବତୀମାନେ ପ୍ରତିଯୋଗିତାରେ ଅଂଶ ଗ୍ରହଣ କରି ନିଜର ପ୍ରତିଭାର ପ୍ରଦର୍ଶନ କରିପାରିବେ। ପ୍ରତିଭାବାନ ହିରୋଇନ ବା ନାୟିକା ଖୋଜିବାର ଏହି ପ୍ରତିଯୋଗିତା ଏକ ବଡ ମାଧ୍ୟମ ବୋଲି କହିଛନ୍ତି ଆୟୋଜକ । ବିଭିନ୍ନ ପର୍ଯ୍ୟାୟରେ ପ୍ରତିଯୋଗିତା ହେବ, ପରେ ସର୍ବଶ୍ରେଷ୍ଠ ୨୦ ଜଣ ପ୍ରତିଯୋଗୀ ଫାଇନାଲରେ ପ୍ରବେଶ କରିବେ ଏବଂ ସେମାନଙ୍କ ମଧ୍ୟରୁ ଯିଏ ବିଜେତା ହେବେ ତାଙ୍କୁ ବଲିଉଡ ଅଭିନେତ୍ରୀ ମଲାଇକା ଅରୋରାଙ୍କ ହାତରେ ବିଜୟିନୀ ମୁକୁଟ ପିନ୍ଧାଇବେ। ଏଥି ସହିତ ଅନ୍ୟାନ୍ୟ ପ୍ରତିଭା ପର୍ଯ୍ୟାୟରେ ମଧ୍ୟ ଅନ୍ୟମାନଙ୍କୁ ପୁରସ୍କୃତ କରାଯିବ । ଏନେଇ ସାମ୍ବାଦିକ ସମ୍ମିଳନୀରେ ଆର ଆର ଇଭେଣ୍ଟ୍ସ ଆଣ୍ଡ ପ୍ରୋମସନର ଫାଉଣ୍ଡର ତଥା ଫିଲ୍ମ ପ୍ରଯୋଜକ ରମେଶ ବାରିକ କହିଛନ୍ତି । କ୍ରିଏଟିଭ ହେଡ଼ ଶ୍ୟାମା ପ୍ରସାଦ ମିଶ୍ର , ଅଭିନେତ୍ରୀ ଅର୍ଚ୍ଚିତା ସାହୁ , ଶୀତଲ ପାତ୍ର, ଅଭିନେତା ସୁବାଶିଷ ଶର୍ମା ବା ମଣ୍ଟୁ ପ୍ରମୁଖ ଏହି ସାମ୍ବାଦିକ ସମ୍ମିଳନୀରେ ଯୋଗ ଦେଇଥିଲେ । ସୂଚନା ଥାଉକି, ଆରଆର ଇଭେଣ୍ଟ୍ସ ଆଣ୍ଡ ପ୍ରମୋସନ ଦ୍ୱାରା ଆୟୋଜିତ ଏହି ପ୍ରତିଯୋଗିତା ୨୦୧୯ ମସିହାରେ ଆରମ୍ଭ ହୋଇଥିଲା। କୋଭିଡ ପାଇଁ କିଛି ସମୟ ବିରତି ପରେ ୨୦୨୨ରେ ଦ୍ବିତୀୟ ସଂସ୍କରଣ ଓ ୨୦୨୩ ମସିହାରେ ତୃତୀୟ ସଂସ୍କରଣ ହୋଇଥିଲା । ପ୍ରଥମ ସଂସ୍କରଣରେ ଇଲ୍ଲିଆନା ଡି କୄଜ, ଦ୍ବିତୀୟ ସଂସ୍କରଣରେ ବଲିଉଡ ଅଭିନେତ୍ରୀ ଜରିନା ଖାନ, ତୃତୀୟ ସଂସ୍କରଣରେ ଅଭିନେତ୍ରୀ ଓ ମଡେଲ ମାନୁଷୀ ଚିଲ୍ଲର ଯୋଗ ଦେଇଥିଲେ।
