SUNSTARTV
ସନଷ୍ଟାରଟିଭି ବ୍ୟୁରୋ:ଚଳିତ ନିର୍ବାଚନକୁ ନେଇ ରାଜ୍ୟର ପ୍ରମୁଖ ତିନି ଦଳ ସେମାନଙ୍କ ମାରାଥର ପ୍ରଚାର ଜାରି ରହିଛି ନ୍ତି । ପୂର୍ବରୁ ନରେନ୍ଦ୍ର ମୋଦି ଭୁବନେଶ୍ୱରରେ ରୋଡ ଶୋ କରି ଯାଇଥିବା ବେଳେ, ବିଜେଡି ସୁପ୍ରିମୋ ଓଡିଶାର ବିଭିନ୍ନ ସ୍ଥାନରେ ତାଙ୍କ ପ୍ରଚାର ଜାରି ରଖିଛନ୍ତି । ସେ ଆଜି ରାଉରକେଲାରେ ବିଜେଡି ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିଛନ୍ତି । ଏଥିସହିତ ମୁଖ୍ୟମନ୍ତ୍ରୀ ଜନସାଧାରଣଙ୍କୁ ଏତେ ଖରାରେ ଆସିଥିବାରୁ ଧନ୍ୟବାଦ ଜଣାଇଛନ୍ତି । ଏହାସହ ଜନସଭାକୁ ସମ୍ବୋଧିତ କରି ନବୀନ କହିଛନ୍ତି, ଜୁଲାଇରୁ ବିଜୁଳି ବିଲ ଆସିବ ନାହିଁ । ବିଜେଡି ସରକାର ବିଜୁଳି ମାଗଣା ଦେବେ, ଆପଣ ମାନେ ଖୁସି ତ ।
ଏହା ବ୍ୟତୀତ ନବୀନ ପଟ୍ଟନାୟକ ବିରୋଧୀଙ୍କୁ ମଧ୍ୟ ଟାର୍ଗେଟ କରିଛନ୍ତି । ସେ କହିଛନ୍ତି ବିରୋଧୀ ଦଳ କୁମ୍ଭୀର କାନ୍ଦଣା କାନ୍ଦୁଛନ୍ତି , ମିଛକଥା ମଧ୍ୟ କହୁଛନ୍ତି । ତେଣୁ ସେମାନଙ୍କୁ ଭରସା କରନ୍ତୁ ନାହିଁ । ବିଜେଡି ସରକାର ଓଡିଶାରେ ଅନେକ କିଛି ଯୋଜନାମାନ କରିଛନ୍ତି । ତେଣୁ ବିଜେଡି ପ୍ରାର୍ଥୀଙ୍କୁ ବିଜୟୀ କରିବାକୁ ଅପିଲ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହିତ ଯୋଡି ଶଙ୍ଖରେ ଭୋଟ ଦେବାକୁ କହିଛନ୍ତି ବିଜେଡି ସୁପ୍ରିମୋ । ମୁଖ୍ୟମନ୍ତ୍ରୀ ବିଭିନ୍ନ ଜନକଲ୍ୟାଣ ଯୋଜନା ବିଷୟରେ କହିବା ସହ ଜନତାଙ୍କୁ ପଚାରିଛନ୍ତି ନବୀନ ପଟ୍ଟନାୟକ ଭଲ ତ । ଶଙ୍ଖ ଚିହ୍ନ ଭଲ ତ । ଏହା ଶୁଣିବା ପରେ ସାଧାରଣ ଜନତା ସମର୍ଥନ ଜାଣାଇ ନବୀନ ପଟ୍ଟନାୟକ ଜିନ୍ଦାବାଦର ନାରା ଦେଇଥିବା ଦେଖିବାକୁ ମିଳିଛି ।
