SUNSTARTV
କୋରାପୁଟ: ମେ ୧୩ରୁ ଓଡିଶାରେ ଆରମ୍ଭ ହେବ ମତଦାନ । ନିଜର ପ୍ରିୟ ନେତାଙ୍କୁ ୫ ବର୍ଷ ପାଇଁ ବାଛିବେ ଜନତା । ଏନେଇ ଚଳଚଞ୍ଚଳ ରାଜ୍ୟ ରାଜନୀତି । ୩ ଦଳର ହେବି ୱେଟ ନେତା ନିଜ ଦଳକୁ ଜିତାଇବା ପାଇଁ ଆରମ୍ଭ କଲେଣି ମାରାଥନ ପ୍ରଚାର । କିଏ ଲୋକଙ୍କୁ ବିଭିନ୍ନ ଯୋଜନା ବିଷୟରେ କହୁଛି ତ ଆଉ କିଏ ଜିତିଲେ ସବୁ ସମସ୍ୟା ଦୂର ହେବ ବୋଲି କହି କରୁଛନ୍ତି ଭୋଟ ଭିକ୍ଷା । କିନ୍ତୁ ଏହାରି ଭିତରେ ସେଲିବ୍ରେଟିମାନେ ମଧ୍ୟ ପ୍ରଚାର ମୈଦାନକୁ ଓହ୍ଲାଇଛନ୍ତି । ମୋ ୧୩ରେ ହେବାକୁ ଥିବା ନିର୍ବାଚନରେ ୪ଟି ଲୋକସଭା ଏବଂ ୨୮ଟି ବଧାନସଭା ଆସନ ପାଇଁ ହେବ ନିର୍ବାଚନ । ଯେଉଁଥିରେ କୋରାପୁଟ ଜିଲ୍ଲା ମଧ୍ୟ ସାମିଲ ଅଛି ଏହି ଜିଲ୍ଲାର ପଟାଙ୍ଗି ସଂସଦୀୟ କ୍ଷେତ୍ରର ସମସ୍ତ ବିଧାନସଭା ଆସନ ପାଇଁ ହେବ ମତଦାନ । ଏନେଇ ସମସ୍ତ ରାଜନାତିକ ଦଳ ଆରମ୍ଭ କରୁଛନ୍ତି ଜୋରଦାର ପ୍ରଚାର ।
ବିଜେଡି ବିଧାୟକ ପ୍ରାର୍ଥୀ ପ୍ରଫୁଲ କୁମାର ପାଙ୍ଗୀ ଏବଂ କୋରାପୁଟ ସାସଂଦ ପ୍ରାର୍ଥୀନୀ କୌଶଲ୍ୟା ହିକ୍କକା ମଧ୍ୟ ନିର୍ବାଚନ ମୈଦାନରେ କରୁଛନ୍ତି ଶକ୍ତି ପଦର୍ଶନ । ସେମାନଙ୍କ ସହିତ ଓଡିଆ ସେଲିବ୍ରେଟିମମାନେ ମଧ୍ୟ ନବୀନଙ୍କ ବିକାଶ ମୂଳକ କାର୍ଯ୍ୟ ବିଷୟରେ କହିବା ସହ ଉଭୟ ବିଧାୟକ ଏବଂ ସାସଂଦ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଜନସାଧାରଣଙ୍କୁ ନିବେଦନ କରିଛନ୍ତି । ଏହି ପ୍ରଚାର ପାଡୁଆ , କୁନ୍ଦୁଲି ହାଟରୁ ବାହାରି ସାରା ସହର ପରିକ୍ରମା କରିଥିଲା । ତେବେ ଏହି ପ୍ରଚାର କାର୍ଯ୍ୟକ୍ରମରେ ପର୍ଯ୍ୟବେକ୍ଷକ ବାଲ୍ଲା ରାଇ, ସିନେ ତାରକା, ଯୁବ ନେତା ମାନେ, ଆଦି ସାମିଲ ଥିଲେ । ଏଥିସହିତ ନବୀନ ପଟ୍ଟନାୟକଙ୍କୁ ୬ଷ୍ଠ ଥର ପାଇଁ ମୁଖ୍ୟମନ୍ତ୍ରୀ କରାଇବାକୁ ଜନସାଧାରଣଙ୍କୁ ନିବେଦନ କରିଥିଲେ । ଏହା ବ୍ୟତୀତ ବିଧାୟକ ଏବଂ ସାଂସଦ ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରି ଯେଡି ଶଙ୍ଖରେ ଭୋଟ ଦେବାକୁ କହିଥିଲେ । ଏହି ପ୍ରଚାରରେ ବହୁ ସଂଖ୍ୟାରେ ବିଜେଡି କର୍ମୀ ସାମିଲ ଥିବା ଦେଖିବାକୁ ମିଳିଥିଲା ।
