SUNSTARTV
ଇସ୍ଲାମାବାଦ: ପାକିସ୍ତାନ ଦିନକୁ ଦିନ ଭିକାରି ହେଉଛି। ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । ତେବେ ଭାରତ ବିଶ୍ବଶକ୍ତି ହେବାର ସ୍ବପ୍ନ ଦେଖୁଛି, ଆମେ (ପାକିସ୍ତାନ) ଭିକ ମାଗିବା ପାଇଁ ବିଭିନ୍ନ ରାଷ୍ଟ୍ର ବୁଲୁଛୁ। ପାକିସ୍ତାନର ଜମୈତ ଉଲେମା ଏ ଇସ୍ଲାମ୍ ଫାଜଲ ନେତା ମୌଲାନା ଫଜଲ୍ ଉର୍ ରେହମାନ୍ ପାକିସ୍ତାନ ସଂସଦରେ ଦେଇଥିବା ଏହି ବୟାନ ସଂପ୍ରତି ସୋସିଆଲ ମିଡିଆରେ ଭାଇରାଲ ହୋଇଛି।
ରେହମାନ କହିଥିଲେ, ଭାରତ ଏବେ ବିଶ୍ବଶକ୍ତି ହେବା ପାଇଁ ସବୁ ସାମର୍ଥ୍ୟ ଖଟାଇ ଆଗକୁ ବଢ଼ୁଛି। ଅନ୍ୟପକ୍ଷରେ ପାକିସ୍ତାନ ଭୀଷଣ ଦେବାଳିଆ ସ୍ଥିତିରେ ରହି ସହାୟତା ପାଇଁ ଛଟପଟ ହେଉଛି। ପରିସ୍ଥିତି ଏପରି ହେଲାଣିଯେ ପାକିସ୍ଥାନର ଅନେକ ସ୍ଥାନରେ ଲୋକଙ୍କ ପାଖରେ ଚାକିରି ନାହିଁ , ଲେକେ ଦୁଇ ଓଳି ଖାଇବାକୁ ବି ପାଉ ନାହାଁନ୍ତି । ବାଧ୍ୟ ହୋଇ କିଛି ସ୍ଥାନର ଯୁବକ ଆତଙ୍କ ବାଦକୁ ସହଜ ପନ୍ଥା ଭାବେ ବାଛି ନେଲେଣି। କ୍ୱିତା, କହରାନ୍ ପରି ଅଞ୍ଚଳର ସ୍ଥିତି ନ କହିବା ଭଲ । ତେବେ ଏହାକୁ ଜାଣିଲା ପରେ ପାକିସ୍ଥାନର ସ୍ଥିତି ବିଷୟରେ ସ୍ପଷ୍ଟ ଜାଣି ହେଉଛି ।
