SunstarTV
ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ଆଜି ସନ୍ଧ୍ୟାରୁ ପ୍ରଚାର ବନ୍ଦ ହେଇଛି । ୨୬ ଏପ୍ରିଲରେ ୧୩ ଟି ରାଜ୍ୟର ୮୮ ଟି ଲୋକ ସଭା ଆସନରେ ଭୋଟ ଗ୍ରହଣ ହେବ ।
ଗୋଟିଏ ପଟେ ବିଜେପିର ତାରକା ପ୍ରଚାରକମାନେ ନିର୍ବାଚନ କ୍ଷେତ୍ରରେ ଜୋରଦାର ପ୍ରଚାର କରୁଥିବାବେଳେ ଅନ୍ୟ ପଟେ ମିଶନ ୨୦୨୪ ଜିତିବା ପାଇଁ କଂଗ୍ରେସର ଷ୍ଟାର ପ୍ରଚାରକ ମଧ୍ୟ ଜୋରଦାର ପ୍ରଚାର କରୁଛନ୍ତି । ତେବେ ଆଜି ଭାଇ ପାଇଁ ଭଉଣୀ କରୁଛନ୍ତି ପ୍ରଚାର, ଦ୍ୱିତୀୟ ପର୍ଯ୍ୟାୟର ଶେଷ ଦିନରେ ପ୍ରିୟଙ୍କା ଗାନ୍ଧୀ କେରଳର ୱାୟାନାଡରେ ନିର୍ବାଚନ ରାଲିସେମ୍ବୋଧିତ କରିଛନ୍ତି ।
ଭାଇ ରାହୁଲ ଗାନ୍ଧୀଙ୍କ ପାଇଁ ସାଧାରଣ ଲୋକଙ୍କଠାରୁ ଭୋଟ୍ ମାଗିଛନ୍ତି ପ୍ରିୟଙ୍କା । ଗତକାଲି କର୍ଣ୍ଣାଟକର ବେଙ୍ଗାଲୁରୁରେ ଏକ ସାଧାରଣ ସଭାରେ ସମ୍ବୋଧିତ କରିବାବେଳେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଆକ୍ରମଣ କରିଥିଲେ । ସେ ମଙ୍ଗଲସୁତ୍ର ସମ୍ବନ୍ଧରେ ପ୍ରଧାନମନ୍ତ୍ରୀଙ୍କ ବିବୃତ୍ତିରେ ପାଲଟା ଜବାବ ଦେଇଥିଲେ ।
ଏନେଇ ପ୍ରିୟଙ୍କା ଗାନ୍ଧୀ କହିଛନ୍ତି, ଗତ ଦୁଇ ଦିନ ଧରି କଂଗ୍ରେସ ନାଁରେ ମିଥ୍ୟା ପ୍ରଚାର କରାଯାଉଛି ଯେ, କଂଗ୍ରେସ ଆପଣଙ୍କ ମଙ୍ଗଳସୁତ୍ର ଏବଂ ଆପଣଙ୍କ ସୁନାକୁ ଆପଣଙ୍କଠାରୁ ଛଡ଼େଇ ନେବାକୁ ଚାହୁଁଛି । ତେବେ ଭାଇଙ୍କ ପାଇଁ ଭଉଣୀଙ୍କ ଏହି ହେବିୱେଟ ପ୍ରଚାର ଜନତାଙ୍କ ମନରେ ନୂଆ ଦିଗ ଦର୍ଶନ ଆଣିବ ବୋଲୁ ଆଶା କରାଯାଉଛି ।
