Sunstar TV
ଭୁବନେଶ୍ୱର : ଚଳିତ ଚୈତ୍ରମାସ ଶୁକ୍ଳପକ୍ଷ ମା’ ତାରିଣୀ ଚାରିଟେବୁଲ୍ ଟ୍ରଷ୍ଟ ପକ୍ଷରୁ ୟୁନିଟ୍-୩, ଖାରବେଳ ନଗର ଅଞ୍ଚଳରେ ପଣାସଂକ୍ରାନ୍ତି ଅବସରରେ ୭୨ତମ ବିଶ୍ୱଶାନ୍ତି ମହାଯଜ୍ଞ ଚାରି ଦିନ ଧରି ଯଥାବିଧ୍ ଅନୁଷ୍ଠିତ ହୋଇଯାଇଛି । ୧୧ ତାରିଖରେ ଅଙ୍କୁରାରୋପଣ, ମଣ୍ଡଳ ଅଧୂବାସ, ୧୨ ତାରିଖରେ ଜଳଧ୍ଵବାସ, ଅଗ୍ନିସ୍ଥାପନ, ମଣ୍ଡଳାଧୂପୂଜା ଓ ଭଜନ ପରିବେଷଣ, ୧୩ ତାରିଖରେ ସୂର୍ଯ୍ୟପୂଜା, ମଣ୍ଡଳାଧ୍ଵପୂଜା ସପ୍ତଚଣ୍ଡୀ ହବନ ଓ ପାଲା ପରିବେଷଣ କରାଯାଇଛି। ଏହା ସହ ପଣା ସଂକ୍ରାନ୍ତି ତଥା ୧୪ ତାରିଖରେ ସୂର୍ଯ୍ୟପୂଜା, ଗୋ-ପୂଜା, ହନୁମାନ ସ୍ନାନଦିପୂଜା, ଭଗବତ ଗୀତାରେ ହବନ ଓ ପୂର୍ଣ୍ଣାହୂତି ଆଦି କାର୍ଯ୍ୟକ୍ରମ ଅନୁଷ୍ଠିତ ହେବ । ବରିଷ୍ଠ ପ୍ରଶାସକ ଗଣେଶ୍ବର ଜେନାଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଉପଦେଷ୍ଟା ତଥା ବରିଷ୍ଠ ସାମ୍ବାଦିକ ପ୍ରଦ୍ୟୁମ୍ନ କୁମାର ମହାନ୍ତି ଓ ସନତ୍ ମିଶ୍ର, ମନ୍ଦିରର ପୂଜକ ସନାତନ ନାୟକ ଓ ବସନ୍ତ ରଥ, ମନ୍ଦିର ଟ୍ରଷ୍ଟର ସଭାପତି ବିଦ୍ୟାଧର ମିଶ୍ର ଓ ସମ୍ପାଦକ ଦିଲ୍ଲୀପ କୁମାର ମିଶ୍ର, କୋଷାଧ୍ୟକ୍ଷ ଈଶ୍ଵର କୁମାର ମୂର୍ତ୍ତି, ପୃଷ୍ଠପୋଷକ ପୂର୍ଣ୍ଣଚନ୍ଦ୍ର ବରାଳ, ବିଶ୍ଵଜିତ୍ ମହାନ୍ତି ଓ ଅକ୍ଷୟ କୁମାର ମହାନ୍ତି ପ୍ରମୁଖ ଅଂଶଗ୍ରହଣ କରିଥିଲେ ।
