SunstarTV
ସାଧାରଣ ନିର୍ବାଚନ ପାଖେଇ ଆସୁଥିବାବେଳେ ସମ୍ବଲପୁର ଲୋକସଭା କ୍ଷେତ୍ର ପାଇଁ ପ୍ରାର୍ଥୀ ଚୟନ ଉପରେ ବିରାମ ଲଗାଇଛି ବିଜେଡି । ନୂଆ ମୁହଁ ସହ ମଇଦାନକୁ ଆସୁଛନ୍ତି ବିଜେଡି ର ହେବିୱେଟ ନେତା ପ୍ରଣବ ପ୍ରକାଶ ।
ସମ୍ବଲପୁର ଲୋକସଭା ପ୍ରାର୍ଥୀ ଭାବେ ନାଁ ଘୋଷଣା ପରେ ଆଜି ଶ୍ରୀମନ୍ଦିର ଯାଇ ଶ୍ରୀଜିଉଙ୍କୁ ଦର୍ଶନ କରିଛନ୍ତି ପ୍ରଣବ ପ୍ରକାଶ ଦାସ। ସମ୍ବଲପୁର ଲୋକସଭା ଆସନରୁ ବିଜେଡି ଦଳ ତାଙ୍କୁ ପ୍ରାର୍ଥୀ କରିଛି। ସେ ଏହି ଆସନରୁ ବିଜୟ ପାଇଁ ମହାପ୍ରଭୁଙ୍କ ନିକଟରେ ଆଶୀଷ ଭିକ୍ଷା କରିଛନ୍ତି। ସେପଟେ ତାଙ୍କୁ ବିଜେଡି ପ୍ରାର୍ଥୀ କରିଥିବାରୁ ସମ୍ବଲପୁରରେ ଉତ୍ସାହର ମାହୋଲ ଦେଖାଦେଇଛି। ଏହି ଆସନରେ ବିଜେପିର ଧର୍ମେନ୍ଦ୍ର ପ୍ରଧାନଙ୍କ ସହ ପ୍ରତିଦ୍ବନ୍ଦିତା କରିବେ ପ୍ରଣବ। ଯାହା ଆଶା କରାଯାଉଛି ଚଳିତ ଥର ଲଢେଇ ଜୋରଦାର ହେବ ।
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏଥର ଲୋକସଭା ନିର୍ବାଚନ ଲଢ଼ିବା ପାଇଁ ସ୍ଥିର ହେବାପରଠାରୁ ସମ୍ବଲପୁର ଲୋକସଭା ଆସନ ଚର୍ଚ୍ଚା ହେଇ ଆସୁଥିଲା । ଶାସକ ଦଳ ବିଜେଡି ଧର୍ମେନ୍ଦ୍ର ପ୍ରଧାନଙ୍କୁ ଏଠାରୁ ହରାଇବା ପାଇଁ ବବି ଙ୍କୁ ମଇଦାନ କୁ ଓହ୍ଲାଇଛି । ଭାଜପା ପ୍ରାର୍ଥୀପତ୍ର ଘୋଷଣା ପରେ ମଧ୍ୟ ଧର୍ମେନ୍ଦ୍ର ପ୍ରଭୁ ଜଗନ୍ନାଥଙ୍କ ଆଶୀର୍ବାଦ ନେଇଥିଲେ । ପ୍ରଣବ ମଧ୍ୟ ଆଜି ବଡ଼ି ଭୋରୁ ଦର୍ଶନ କରିଛନ୍ତି । ଦେଖିବା ବାକି ରହିଲା ସମ୍ବଲପୁରୀ ବାସୀ କାହାକୁ ବିଜୟ କରୁଛନ୍ତି ।
