Sunstartv
ଆଗ କାଳ ରେ ବିବାହ କରିବା ପାଇଁ ଚାହିଁ ବସୁଥିଲେ, କିନ୍ତୁ ଏବେ ସମୟ ବଦଳିଲାଣି। ଲୋକ ମାନେ ଯେପରି ଏଥିରୁ ଦୂରତା ରଖିବାକୁ ଚେଷ୍ଟା ଜାରି ରଖୁଛନ୍ତି । ଏହା ଭିତରେ ମଧ୍ୟ ଅନେକ ଖବର ସାମ୍ନାକୁ ଆସୁଛି ଯାହା ହୁଏତ ବହୁତ କମ ଲୋକଙ୍କୁ ଜଣା । ଏପରି ଏକ ବିବାହ ଯେଉଁଠାରେ ତୁମେ କୌଣସି ଧାର୍ମିକ ରୀତିନୀତି ବିନା ବିବାହ କରିପାରିବ ଆଉ ଯଦି ଆପଣ ଭାବୁ ଥିବେ ଏହା ସମ୍ଭବ କି?
ଏମିତି ବି ବିବାହ ହେଉଛି ଯେଉଁ ଠାରେ ଆପଣଙ୍କୁ ପଣ୍ଡିତଙ୍କୁ ଡାକିବାକୁ ପଡିବ ନାହିଁ କିମ୍ବା ବହୁତ ଟଙ୍କା ଖର୍ଚ୍ଚ କରିବାକୁ ପଡିବ ନାହିଁ। ଏହା ବ୍ୟତୀତ ଏହି ବିବାହ ମଧ୍ୟ ଆଇନଗତ ମାନ୍ୟତା ପାଇଥାଏ । ବାସ୍ତବରେ ଆମେ ସୁୟମରିଆଥାଇ ବିବାହ ଅର୍ଥାତ୍ ଆତ୍ମ ସମ୍ମାନ ବିବାହ ବିଷୟରେ କହୁଛୁ।
ଆତ୍ମ ସମ୍ମାନ ବିବାହ କ’ଣ?
ଆତ୍ମ ସମ୍ମାନ ବିବାହରେ, ଦୁଇ ଜଣ କୌଣସି ରୀତିନୀତି ଅନୁସରଣ ନକରି ବିବାହ କରନ୍ତି। ଏହିପରି ବିବାହକୁ ଆଇନଗତ ଭାବରେ ପଞ୍ଜିକରଣ କରିବା ଆବଶ୍ୟକ। ଏହି ବିବାହର ଉଦ୍ଦେଶ୍ୟ ହେଉଛି ଯେକୌଣସି ବିବାହର ପ୍ରକ୍ରିୟାକୁ ସରଳ କରିବା ଏବଂ ଏହାକୁ ରୀତିନୀତି ଏବଂ ବ୍ୟସ୍ତତା ମୁକ୍ତ ରଖିବା। ୧୯୬୮ ହିନ୍ଦୁ ବିବାହ ଆଇନ ୧୯୯୫ (ସଂଶୋଧନ) ବିଧାନସଭାରେ ପାରିତ କରା ଯାଇଥିଲା। ଏହି ଅଧିନିୟମରେ ଧାରା ୭A ଯୋଡା ଯାଇଥିଲା ଏବଂ ଏହି ବିଭାଗ ଅଧୀନରେ ଆତ୍ମ ସମ୍ମାନ ବିବାହ ବୈଧ ଘୋଷିତ ହୋଇଥିଲା ।
ଆତ୍ମ ସମ୍ମାନ ବିବାହ କିପରି ଆରମ୍ଭ ହେଲା?
ସାମାଜିକ ସଂସ୍କାରକ ତଥା ନେତା ପେରିୟର୍ ଇ.ଭି. ରାମାସ୍ୱାମୀ ୧୯୨୫ ମସିହାରେ ତାମିଲନାଡୁରେ ଆତ୍ମ ସମ୍ମାନ ଆନ୍ଦୋଳନ ଆରମ୍ଭ କରିଥିଲେ। ଯାହାର ଉଦ୍ଦେଶ୍ୟ ଥିଲା ଜାତି ଭେଦଭାବ ଦୂର କରିବା ଏବଂ ସମାଜରେ ଉପସ୍ଥିତ ତଥାକଥିତ ନିମ୍ନ ଜାତିର ଲୋକଙ୍କୁ ସମ୍ମାନ ଦେବା। ଯେଉଁ ଥିରୁ ଆତ୍ମ ସମ୍ମାନ ବିବାହ ଉତ୍ପନ୍ନ ହେଲା ।
ସୂଚନା ମୁତାବକ ୧୯୨୮ ମସିହାରେ ପ୍ରଥମ ଆତ୍ମ ସମ୍ମାନ ବିବାହ ଆୟୋଜିତ ହୋଇଥିଲା । ଏହି ବିବାହରେ, କୌଣସି ଧର୍ମ କିମ୍ବା ଜାତିର ଲୋକମାନେ ପରସ୍ପରକୁ ନିଜ ଜୀବନ ସାଥୀ ଭାବରେ ବାଛି ପାରିବେ। କୌତୁହଳର ବିଷୟ ହେଉଛି ଏହି ପ୍ରକାର ବିବାହ କେବଳ ତାମିଲନାଡୁରେ ସ୍ୱୀକୃତିପ୍ରାପ୍ତ ।ବର୍ତ୍ତମାନ ପର୍ଯ୍ୟନ୍ତ ଅନେକ ଦମ୍ପତି ଆତ୍ମ ସମ୍ମାନ ବିବାହ କରିସାରିଛନ୍ତି।
ଆତ୍ମ ସମ୍ମାନ ବିବାହ ସବୁବେଳେ ବିବାଦର ବିଷୟ ହୋଇଆସୁଛି। ଅନେକ ଲୋକ ରୀତିନୀତି ବିନା ଏହି ବିବାହକୁ ମଧ୍ୟ ବିରୋଧ କରନ୍ତି। ୨୦୧୪ ମସିହାରେ ଓକିଲମାନଙ୍କ ଦ୍ୱାରା କରାଯାଇଥିବା ଏହି ବିବାହକୁ ମାଡ୍ରାସ ହାଇକୋର୍ଟ ଅବୈଧ ବୋଲି ଘୋଷଣା କରିଥିଲେ। ତେବେ୨୦୨୩ ମସିହାରେ ସୁପ୍ରିମକୋର୍ଟ ମାଡ୍ରାସ ହାଇକୋର୍ଟର ଏହି ନିଷ୍ପତ୍ତିକୁ ରଦ୍ଦ କରି ଏହାକୁ ବୈଧ ବୋଲି ଗ୍ରହଣ କରିଥିଲେ।
