SunstarTV
ବଲିଉଡର କିଙ୍ଗ କୁହାଯାଉଥିବା ଶାହାରୁଖ ଖାନ ତାଙ୍କର କିଛି ଆଗାମୀ କାମ ପାଇଁ ଖୁବ ଚର୍ଚ୍ଚାରେ ଅଛନ୍ତି । ଅଭିନେତାଙ୍କର କିଛି ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହା କତାର ଯାତ୍ରା ସମୟରେ ନିଆଯାଇଥିବା ସୂଚନା ମିଳୁଛି । ଖବର ଅନୁଯାୟୀ ଶାହାରୁଖ ଶନିବାର ଦୋହାରେ ପହଞ୍ଚିଥିଲେ। ଯେଉଁଠାରେ ସେ କତାରର ପ୍ରଧାନମନ୍ତ୍ରୀ ମହମ୍ମଦ ବିନ୍ ଅବଦୁଲ୍ଲ ରହମାନ ବିନ୍ ଜସିମ ଅଲ ଥାନିଙ୍କୁ ଭେଟିଥିଲେ।
କେବଳ ଏତିକି ନୁହେଁ କତାରରେ ଉପସ୍ଥିତ କିଙ୍ଗ ଖାନଙ୍କ ପ୍ରଶଂସକମାନେ ମଧ୍ୟ ତାଙ୍କୁ ବହୁତ ମାତ୍ରାରେ ସ୍ୱାଗତ କରିଥିଲେ, ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭାଇରାଲ ଭିଡିଓରେ କତାରର ପ୍ରଧାନମନ୍ତ୍ରୀ ଶାହାରୁଖ ଖାନଙ୍କ ହାତ ମିଳାଇବା ସହ କଥାବାର୍ତ୍ତା କରୁଥିବା ଦେଖିବାକୁ ମିଳିଛି। ଏହି ସମୟରେ ଅଭିନେତାଙ୍କୁ ଧଳା ସାର୍ଟ ଏବଂ ନୀଳ ଜ୍ୟାକେଟରେ ଦେଖିବାକୁ ମିଳିଥିଲା। ଭିଡିଓରେ ଶାହାରୁଖଙ୍କ ମୁହଁରେ ଥିବା ହସ ଯେପରି ସବୁ ଫ୍ୟାନ୍ସଙ୍କ ହୃଦୟ ଜିତୁଛି |
ଏହା ବ୍ୟତୀତ ତାଙ୍କ ଫଟୋ ମଧ୍ୟ ଭାଇରାଲ ହେବାରେ ଲାଗିଛି ଯେଉଁଥିରେ ଫ୍ୟାନ୍ କ୍ଲବ୍ ଲେଖିଛନ୍ତି, ‘କତାରର ପ୍ରଧାନମନ୍ତ୍ରୀ ଶେଖ ମହମ୍ମଦ ବିନ୍ ଅବଦୁଲ୍ଲ ରହମାନ ବିନ୍ ଜସିମ ଅଲ ଥାନି ଶାହାରୁଖ ଖାନଙ୍କୁ ଦୋହାରେ ଏଫଏସି ଫାଇନାଲରେ ସ୍ୱତନ୍ତ୍ର ଅତିଥି ଭାବରେ ସ୍ୱାଗତ କରିଥିଲେ। ଶାହାରୁଖ ଏକ ଭିଡିଓରେ ତାଙ୍କ ପ୍ରଶଂସକଙ୍କ ସହ କଥାବାର୍ତ୍ତା କରୁଥିବା ମଧ୍ୟ ଦେଖିବାକୁ ମିଳିଛି।
ସୂଚନା ମୁତାବକ କିଙ୍ଗ ଖାନ ଏହି ସମୟରେ ଏକ ଧଳା ସାର୍ଟରେ ନଜର ଆସିଛନ୍ତି ଏବଂ ସେ ନିଜ କେଶକୁ ବାନ୍ଧି ଥିବା ନଜର ଆସିଛନ୍ତି । ଏହି ସମସ୍ତ ଭିଡିଓଗୁଡିକ ବହୁତ ପସନ୍ଦ କରାଯାଉଛି ଏବଂ ପ୍ରଶଂସକମାନେ ମଧ୍ୟ ଏହି ଭିଡିଓ ଗୁଡିକରେ ସେମାନଙ୍କର ପ୍ରତିକ୍ରିୟା ଦେବାରେ ଲାଗିଛନ୍ତି।
ଶାହାରୁଖ ଖାନଙ୍କ ନିକଟ ଚଳଚିତ୍ର କଥା କହିବାକୁ ଗଲେ ତାଙ୍କୁ ଶେଷ ଥର ପାଇଁ ‘ଡଙ୍କି’ରେ ଦେଖିବାକୁ ମିଳିଥିଲା ଏବଂ ପରବର୍ତ୍ତୀ ସମୟରେ ଫ୍ୟାନ୍ସ ମାନେ ତାଙ୍କୁ ସଞ୍ଜୟ ଲୀଲା ଭନସାଲୀଙ୍କ ଫିଲ୍ମ’ ଇନଶାଲ୍ଲା’ରେ ଦେଖିବାକୁ ପାଇବେ , ଯାହା ପାଇଁ ତାଙ୍କ ପ୍ରଶଂସକମାନେ ମଧ୍ୟ ଅପେକ୍ଷା କରି ରହିଛନ୍ତି।
