ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଗୁଜୁରାଟର ସୁରଟଠାରେ ଅନୁଷ୍ଟିତ ଜାତୀୟ ଜୁନିଅର ଜୁଡୋ ଏକାଡେମୀରେ ଭାଗ ନେଇଥିବା ଚୌଦ୍ୱାର ଜୁଡୋ ଏକାଡେମୀର ପ୍ରତିଯୋଗୀ ୯ଟି ପଦକ ଜିତି ସଫଳତା ହାସଲ କରିଛନ୍ତି। ଚୌଦ୍ୱାର ଜୁଡୋ ଏକାଡେମୀର ପ୍ରଶିକ୍ଷକ ମୃତ୍ୟୁଞ୍ଜୟ ଯାଦବଙ୍କ ସହ ଚୌଦ୍ୱାର ଅଞ୍ଚଳରୁ ଯାଇଥିବା ୯ ଜଣ ପ୍ରତିଯୋଗୀଙ୍କ ମଧ୍ୟରୁ ରିୟାନ୍ସ ପ୍ରଧାନ ୩ଟି ସ୍ବର୍ଣ୍ଣ ପଦକ, ସତ୍ୟ ସଂଗ୍ରାମ ଖୁଣ୍ଟିଆ ୧ଟି ରୌପ୍ୟ ଓ ୨ଟି ତାମ୍ର, ଏସ.କେ. ସମସେର ଅଲ୍ଲୀ ୧ଟି ରୌପ୍ୟ ଓ ୧ଟି ତାମ୍ର, ଏସ.କେ. ଏରଫାନ ୨ଟି ତାମ୍ର ଏବଂ ମଞ୍ଜୁ କୁମାରୀ ଯାଦବ, ନିଶିଥ କୁମାର ରଥ, ସାଇ ସଂକେତ ଓ ବିଶ୍ୱଜିତ ବେହେରା ଗୋଟିଏ ଲେଖାଏଁ ପଦକ ହାସଲ କରିଛନ୍ତି।
ଅନ୍ୟପଟେ ଚୌଦ୍ୱାରର ପିଲାମାନେ ଜାତୀୟ ସ୍ତରରେ ନିଜର ପ୍ରତିଭା ପ୍ରତିପାଦନ କରି ଚୌଦ୍ୱାର, କଟକ ତଥା ସାରା ଓଡିଶାକୁ ଗୌରବାନ୍ୱିତ କରିଛନ୍ତି। ଏନେଇ ଏକାଡେମୀ ତରଫରୁ ସମସ୍ତ ପ୍ରତିଯୋଗୀଙ୍କୁ ସମ୍ବର୍ଦ୍ଧିତ କରାଯାଇଛି। ସୂଚନାଯୋଗ୍ୟ ଯେ, ଗତ ନଭେମ୍ବର ୨୩ ରୁ ୨୯ ତାରିଖ ପର୍ଯ୍ୟନ୍ତ ୭ଦିନ ଧରି ଆୟୋଜିତ ଏହି ଜାତୀୟ ପ୍ରତିଯୋଗିତାରେ ୨୮ଟି ରାଜ୍ୟରୁ ମୋଟ ୪ହଜାର ପ୍ରତିଯୋଗୀ ଅଂଶଗ୍ରହଣ କରିଥିଲେ। ଓଡିଶାରୁ ୪୭ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ।
ରିପୋର୍ଟ : ଶ୍ରଦ୍ଧାସୁମନ
