ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର; କାର୍ତ୍ତିକ ପୂର୍ଣ୍ଣିମାରେ ଆସିଲା ବଡ ଖବର, ଓଡିଶା ରାଜନୀତିରେ ବଡ ପରିବର୍ତ୍ତନ ହେବାକୁ ଯାଉଛି । ବହୁ ଚର୍ଚ୍ଚିତ 5T ଅଧ୍ୟକ୍ଷ ଏବଂ ନବୀନ ଓଡିଶା ଅଧ୍ୟକ୍ଷ ଭିକେ ପାଣ୍ଡିଆନ ଆଜି ବିଧିବଦ୍ଧ ଭାବରେ ବିଜେଡିରେ ଯୋଗ ଦେଇଛନ୍ତି, ବହୁଦିନ ଧରି ତାଙ୍କର ସକ୍ରିୟ ରାଜନୀତିରେ ଯୋଗଦେବା ନେଇ ଚର୍ଚ୍ଚା ଲାଗିରହିଥିଲା, ତେବେ ଆଜି ସେ ଚର୍ଚ୍ଚାରେ ପୂର୍ଣ୍ଣଛେଦ ପଡିଛି, ଆଜି ନବୀନ ନିବାସରେ ଆୟୋଜିତ ବୈଠକରେ ଯୋଗଦେଇଥିଲେ ଭିକେ ପାଣ୍ଡିଆନ। ୧୦ ଟା ୧୫ ରେ ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ପାଣ୍ଡିଆନ ବିଜେଡିରେ ଯୋଗଦେଇଥିବା ନେଇ ସୂଚନା ରହିଛି । ନବୀନ ନିବାସରେ ଦଳର ବହୁ ବରିଷ୍ଠ ନେତା ଉପସ୍ଥିତ ଥିଲେ ଏହାରି ଭିତରରେ ପାଣ୍ଡିଆନଙ୍କର ନବୀନ ନିବାସରୁ ଶଙ୍ଖ ଭବନ ଯିବାର କାର୍ଯ୍ୟକ୍ରମ ରହିଛି। ଶଙ୍ଖ ଭବନରେ ପାଣ୍ଡିଆନଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନାର ମଧ୍ୟ କାର୍ଯ୍ୟକ୍ରମ ରହିଛି । ପରେ ତାରାତାରିଣୀ ଯିବା ନେଇ ମଧ୍ୟ ସୂଚନା ଅଛି । ତେବେ ମୁଖ୍ୟମନ୍ତ୍ରୀଙ୍କ ଆନୁଗତ୍ୟ ଏବଂ ବିଶ୍ଵସ୍ଥ ପାଣ୍ଡିଆନ ଆଜି ବିଧିବଦ୍ଧ ଭାବରେ ବିଜେଡିରେ ସାମିଲ ହୋଇଛନ୍ତି । ଆଜି ନବୀନ ନିବାସରେ ଆୟୋଜିତ ବୈଠକରେ ମନ୍ତ୍ରୀ ପ୍ରତାପ ଦେବ, ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ, ସମୀର ଦାସ, ସଞ୍ଜୟ ଦାସ ବର୍ମା, ପ୍ରସନ୍ନ ଆଚାର୍ଯ୍ୟ, ରଣେନ୍ଦ୍ର ପ୍ରତାପ ସ୍ୱାଇଁ, ଅରୁଣ ସାହୁ, ଅଶୋକ ପଣ୍ଡାଙ୍କ ସମେତ ଅନେକ ବରିଷ୍ଠ ନେତା ନବୀନ ନିବାସରେ ଉପସ୍ଥିତି ଥିଲେ ।
ରିପୋର୍ଟ ; ସ୍ମୃତିରେଖା
