ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଡାକ୍ତର ରୋହନ ବିଶ୍ବାଳ ଘର ଢେଙ୍କାନାଳ। ପେସାରେ ସେ ଜଣେ ଡାକ୍ତର କିନ୍ତୁ ନିଶା ହେଉଛି ମ୍ୟୁଜିକ। ଯେଉଁ ହାତ ଷ୍ଟେଥୋ ଧରି ଛୁଆଙ୍କର ହାର୍ଟବିଟ ମାପୁଛି ସେହି ହାତ ପୁଣି ଗୀଟାର ଧରି ସମସ୍ତଙ୍କୁ ମତୁଆଲା କରୁଛି। ସେଥିପାଇଁ କୁହାଯାଉଛି ଯେ ସୁର, ଲୟ, ତାଳ ଏବଂ ସେବାର ଏକ ସୁମଧୁର ସମ୍ମିଶ୍ରଣ ହେଉଛନ୍ତି ରୋହନ।
ଭୁବନେଶ୍ବରରେ ଏମବିବିଏସ ଡାକ୍ତର ଭାବେ କାର୍ଯ୍ୟକରୁଥିବା ରୋହନ ଏବେ ଇଣ୍ଡିଆନ ଆଇଡଲର ଆଇଡଲ୍ ସାଜିଛନ୍ତି। ୧୪ ତମ ଇଣ୍ଡିଆନ ଆଇଡଲ ପ୍ଲାଟଫର୍ମରେ ନିଜର କଳା ଦେଖାଇ ଚମକିଛନ୍ତି ଏହି ଓଡ଼ିଆ ପୁଅ।
ଅଡିସନରେ ଜିତି ଗୋଲ୍ଡେନ ଟିକେଟ ହାତେଇ ଥିଏଟର ରାଉଣ୍ଡରେ ପ୍ରବେଶ କରିଛନ୍ତି ରୋହନ। ସେଥିପାଇଁ ସମସ୍ତଙ୍କ ପାଇଁ ସେ ବନିଯାଇଛନ୍ତି କେବଳ ଡାକ୍ତରରୁ ଡାକ୍ତର ସିଙ୍ଗର। ଜଣେ ଡାକ୍ତରଙ୍କର ଏଭଳି ସଂଗୀତ ପ୍ରତି ଭଲପାଇବା ଦେଖି ବଲିଉଡ ସିଙ୍ଗର ତଥା ଇଣ୍ଡିଆନ ଆଇଡଲର ଜଜ୍ ସାନୁ ଅନେକ ପ୍ରଶଂସା କରିଛନ୍ତି। ଖାଲି ପ୍ରଶଂସା କରିଛନ୍ତି ତାହା ନୁହେଁ ବରଂ ଭିଡିଓ କଲ୍ କରି ମେଡିକାଲ ଓ୍ବାର୍ଡରେ ଚିକିତ୍ସା ହେଉଥିବା ଛୋଟ ପିଲାଙ୍କ ସହିତ କଥା ହୋଇ ସେମାନଙ୍କୁ ଗୀତ ଗାଇ ମଧ୍ୟ ଶୁଣାଇଛନ୍ତି।
