ଏସୀୟ କ୍ରୀଡାରେ ଭାରତ ନିଜର କଲା ୧୦୦ ପଦକ

ସନଷ୍ଟାର ଟିଭି ବ୍ୟୁରୋ

ନୂଆଦିଲ୍ଲୀ : ଏସୀୟ କ୍ରୀଡାରେ ଭାରତ ୧୦୦ଟି ପଦକ ହାସଲ କରି ଇତିହାସ ସୃଷ୍ଟି କରିଛି। ଭାରତ ପ୍ରଥମ ଥର ପାଇଁ ଏସୀୟ କ୍ରୀଡ଼ାରେ ୨୫ ସ୍ୱର୍ଣ୍ଣ, ୩୫ ରୌପ୍ୟ ଓ ୪୦ ବ୍ରୋଞ୍ଜ ସହ ଆଜି ୧୦୦ ପଦକ ହାସଲ କରିଛି। ଆଜି ମିଳିଛି ୩ଟି ସ୍ୱର୍ଣ୍ଣ, ୧ ରୌପ୍ୟ ଓ ୧ ବ୍ରୋଞ୍ଚ ପଦକ। ମହିଳା କବାଡିରେ ସ୍ୱର୍ଣ୍ଣ ପଦକ ହାସଲ ପରେ ମିଳିଲା ଏହି ସଫଳତା। ଚାଇନିଜ ତାଇପେଇକୁ ପରାସ୍ତ କରି କବାଡିରେ ୧୦୦ତମ ପଦକ ଭାବରେ ସ୍ୱର୍ଣ୍ଣ ପଦକ ହାସଲ କଲା ମହିଳା କବାଡି ଦଳ। ୧୦୦ ତମ ପଦକ ପାଇବା ପରେ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ।