ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଆଜି ପବିତ୍ର ଗାନ୍ଧୀ ଜୟନ୍ତୀ ଉପଲକ୍ଷେ ସାରା ଦେଶ ମହାତ୍ମାଙ୍କୁ ମନେ ପକାଉଥିବାବେଳେ, ଉତ୍କଳ ବିଶ୍ୱବିଦ୍ୟାଳୟ ପରିସରରେ ବିଜୁ ଛାତ୍ର ଜନତା ଦଳ ତରଫରୁ ବିଶ୍ୱବିଦ୍ୟାଳୟ ପରିସରରେ ଅହିଂସାସ୍ଥଳରେ ଥିବା ଗାନ୍ଧୀଜିଙ୍କ ପ୍ରତିମୂର୍ତ୍ତିରେ ଫୁଲମାଳ ଦେବା ସହ ସ୍ମୃତିଚାରଣ କରଯାଇଛି । ତା’ ସହ ସ୍ୱଚ୍ଛତା ଅଭିଯାନ ଅନ୍ତର୍ଗତ ଏକ ସ୍ୱଚ୍ଛ ପରିବେଶ ଗଠନ ପାଇଁ , ସ୍ୱଚ୍ଛ ସମାଜ ଗଠନ ପାଇଁ ଓ ସମାଜକୁ ବାର୍ତ୍ତା ଦେବା ପାଇଁ ବିଜୁ ଛାତ୍ର ଜନତା ଦଳ ପକ୍ଷରୁ ବିଶ୍ୱବିଦ୍ୟାଳୟର ଅନେକ ଖାଲି ସ୍ଥାନରେ ବୃକ୍ଷରୋପଣ କରାଯାଇଛି । ବୃକ୍ଷର ଯତ୍ନ ନେବାକୁ ଅନେକ ଛାତ୍ର ଛାତ୍ରୀଙ୍କ ଦାୟିତ୍ୱ ମଧ୍ୟ ଦିଆଯାଇଛି । ତେବେ ଏହି ପରିପ୍ରେକ୍ଷୀରେ ବିଶ୍ୱବିଦ୍ୟାଳୟର ଛାତ୍ର ଛାତ୍ରୀ ଗାନ୍ଧୀଙ୍କୁ ମନେ ପକାଇବା ସହ ଗାନ୍ଧୀ ନୀତି ଆଦର୍ଶରେ କିପରି ସୁସ୍ଥ ଭବିଷ୍ୟ ଗଠନ କରିବେ ସେ ସମ୍ପର୍କରେ ବକ୍ତବ୍ୟ ଦେଇଥିଲେ ।
