ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ବିଶ୍ୱ କପକୁ ଆଉ ମାତ୍ର କିଛି ଦିନ ବାକି। କିନ୍ତୁ ଏହା ପୂର୍ବରୁ ବିଶ୍ୱକପରେ ଭାଗ ନେବାକୁ ପାକିସ୍ତାନ କ୍ରିକେଟ ଟିମ୍ ଭାରତ ଗସ୍ତରେ ଆସିଛି। ଦୀର୍ଘ ୭ ବର୍ଷ ପରେ ଭାରତ ଗସ୍ତରେ ଆସିଛି ପାକିସ୍ତାନ କ୍ରିକେଟ ଟିମ। ତେବେ ବିଶ୍ୱକପ ଆରମ୍ଭ ପୂର୍ବରୁ ଟିମ୍ ଆଇସିସି ସାମ୍ନାରେ ଏକ ଦାବି ରଖିଛି। ଭିସା ପ୍ରକ୍ରିୟାକୁ ତ୍ୱରାନିତ୍ୱ କରିବାକୁ ଚିଠି ଲେଖିଛି।
ଭାରତରେ ବିଶ୍ୱକପ ହେଉଥିବାରୁ ଅନେକଙ୍କୁ ଭିସା ମିଳିବାରେ ସମସ୍ୟା ଉପୁଜିଛି। ଯେଉଁଥିପାଇଁ ପାକିସ୍ତାନର ମିଡ଼ିଆ ଓ ପ୍ରଂଶସକଙ୍କ ଭିସା ସମସ୍ୟାକୁ ସମାଧାନ କରିବା ଦିଗରେ ଆଇସିସି ପଦକ୍ଷେପ ନେଉ ବୋଲି ପିସିବି କହିଛି।
ବିସିସିଆଇର ସୂଚନା ମୁତାବକ, ବିଦେଶ ମନ୍ତ୍ରାଳୟ ସେହି କ୍ରୀଡା ସାମ୍ବାଦିକଙ୍କ ନାଁକୁ ନେଇ ବିଚାର କରୁଛି ଯେଉଁମାନେ ବିଶ୍ୱକପ କଭର କରିବାକୁ ଭାରତ ଆସିବାକୁ ଆବେଦନ କରିଛନ୍ତି। ତେବେ ସେମାନଙ୍କୁ ଭିସା ମିଳିବା ପୂର୍ବରୁ ବିଦେଶ,ଗୃହ ଓ କ୍ରୀଡା ମନ୍ତ୍ରାଳୟର ମଞ୍ଜୁରୀ ଆବଶ୍ୟକ। ଯେହେତୁ ଭାରତର ପିଆରସିରେ ପାକିସ୍ତାନ ରହିଛି ତେଣୁ ଭିସା ମିଳିବା ପୂର୍ବରୁ କଡାକଡି ଯାଞ୍ଚ କରାଯାଉଛି।
