ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର : ଜଳିଗଲା ଦାମୀ ବ୍ରାଣ୍ଡର କପଡା ଗାଡି। ବୁଧବାର ବିଳମ୍ବିତ ରାତି ପ୍ରାୟ ୨ ସମୟରେ ବାରଙ୍ଗ ଥାନା ଅନ୍ତର୍ଗତ ପୁରୀ କେନାଲ ରୋଡ଼ରେ ଏକ କପଡା ବୋଝେଇ ମିନିଟ୍ରକ ଜଳିଯାଇଛି । ମିନି ଟ୍ରକଟି ଭୁବନେଶ୍ୱରରୁ ଅନୁଗୁଳ ଯାଉଥିଲା। ଉକ୍ତ ମିନି ଟ୍ରକରେ ଲକ୍ଷାଧିକ ଟଙ୍କାର ବିଭିନ୍ନ ନାମୀ ଦାମୀ ବ୍ରାଣ୍ଡର ଡ୍ରେସ ଓ କପଡା ଥିଲା। ପୁରୀ କେନାଲ ରୋଡ଼ ଅତିକ୍ରମ କରୁଥିବା ସମୟରେ ଟ୍ରକଟି ଜଳି ଯାଇଛି । ଏହା ଦେଖି ସ୍ଥାନୀୟ ଲୋକେ ବାରଙ୍ଗ ଅଗ୍ନିଶମ ବାହିନୀକୁ ଖବର ଦେଇଥିଲେ । ଘଟଣାସ୍ଥଳରେ ବାରଙ୍ଗ ଅଗ୍ନିଶମ ବାହିନୀ ପଂହଁଚି ନିଆଁକୁ ଆୟତ୍ତ କରିଛି। ତେବେ ସର୍ଟ ସର୍କିଟରୁ ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି ।
