ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ରାଜଧାନୀରେ ମାତିଛନ୍ତି ବ୍ଲାକ୍ ଜ୍ୟାକେଟ୍ ଗ୍ୟାଙ୍ଗ । ଆଖି ପିଛୁଳାକେ ଝାମ୍ପି ନେଉଛନ୍ତି ସୁନା ଓ ଭ୍ୟାନିଟି ବ୍ୟାଗ । ବାଣୀବିହାର, ସହିଦନଗର ଓ ଆଚାର୍ଯ୍ୟ ବିହାର ଛକର ଦୃଶ୍ୟ କ୍ୟାମେରାରେ ହୋଇଛି କଏଦ । ଦେହରେ ବ୍ଲାକ ଜ୍ୟାକେଟ ଓ ନମ୍ବର ପ୍ଲେଟକୁ ଟ୍ୟାମ୍ପର କରିବାକୁ ଲାଗିଛି ବ୍ଲାକଟେପ । ଦାମୀ ବାଇକରେ ଆସି ମହିଳାଙ୍କୁ କରୁଥିଲେ ଟାର୍ଗେଟ୍ ।
ଗଣମାଧ୍ୟମ ହାତରେ ଲାଗିଛି ବ୍ଲାକ ଜ୍ୟାକେଟ ଗ୍ୟାଙ୍ଗର Exclusive ସିସିଟିଭି ଫୁଟେଜ୍ । ଗତ ସୋମବାର ୪ ଜଣିଆ ଗ୍ୟାଙ୍ଗକୁ ଧରିଥିଲା ପୋଲିସ । ସ୍ପେଶାଲ ସ୍କ୍ୱାଡ ସହାୟତାରେ ଲୁଟେରାଙ୍କୁ କାବୁ କରିଥିଲା ସହିଦନଗର ଥାନା । ସେମାନଙ୍କ ଠାରୁ ୩୦ଟି ସୁନା ଚେନ, ୩ଟି ବାଇକ ଜବତ କରାଯାଇଥିଲା । ଏହି ଗ୍ୟାଙ୍ଗ ଚୋରି ସୁନାକୁ ବନ୍ଧକ ରଖି ଅୟସ କରୁଥିଲେ ।
