ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ରାଜ୍ୟରେ ବଜ୍ରପାତରେ ୧୦ ଜଣ ମୃତ ଓ ୩ ଜଣ ଆହତ । ବର୍ଷା ହେଲା ମାତ୍ରେ ଲୋକଙ୍କୁ ଘାରୁଛି ବଜ୍ରପାତ ଡର । ବିଗତ କିଛି ଦିନ ମଧ୍ୟରେ ବଜ୍ରାଘାତ ଯୋଗୁଁ ରାଜ୍ୟରେ ଅନେକ ଲୋକଙ୍କ ଜୀବନ ଗଲାଣି । ଗତକାଲି ୧୦ ଜଣଙ୍କ ମୃତ୍ୟୁ ହେବା ସହ ୩ ଜଣ ଆହତ ହୋଇଛନ୍ତି ।
ଖୋର୍ଦ୍ଧାରେ ୪ଜଣଙ୍କ ମୃତ୍ୟୁ ସହ ୩ ଜଣ ଆହତ ,ବଲାଙ୍ଗୀରରେ ୨ ଜଣ, ଅନୁଗୁଳ, ଢେଙ୍କାନାଳ, ବୌଦ୍ଧ, ଜଗତସିଂହପୁରରେ ଜଣେ ଲେଖାଁଏ ପ୍ରାଣ ହରାଇଛନ୍ତି ।
ଗତକାଲି ଅପରାହ୍ନ ୨ଟା ବେଳେ ହଠାତ କଳାହାଣ୍ଡିଆ ମେଘ ଘୋଟି ଆସିଥିଲା । ଝିପଝିପ ବର୍ଷା ହୋଇ ବିଜୁଳି ଓ ଘଡଘଡି ମାରିବା ଦେଖାଯାଇଥିଲା । ପରେ ପ୍ରବଳ ମାତ୍ରାରେ ଦେଢ ଘଣ୍ଟା ବର୍ଷା ହୋଇ ରାଜଧାନୀରେ ସୃଷ୍ଟି ହେଲା କୃତ୍ରିମ ବନ୍ୟା । ସେହିପରି ଲଘୁଚାପ ପ୍ରଭାବରେ ରାଜ୍ୟରେ ଆଗାମୀ ୫ ଦିନ ପର୍ଯ୍ୟନ୍ତ ଅନେକ ସ୍ଥାନରେ ବର୍ଷା ହେବାର ସମ୍ଭାବନା ରହିଛି ।
